wwwmeridiary.com

Blog

  • kachhua aur khargosh ki Daud

    Kachhua aur Khargosh ki daud ki kahani apne bachpan mein apni kitabon mein jarur padi hogi ya fir aapko aapke ghar ke hi kisi bade ne aapko yah kahani sunai hogi .Ye kahani bahut hi interesting aur majedar kahani jai maine to yah kahani kai baar padi hai

    kahani

    yah kahani hai khargosh aur kachhue ki daud ki jismein sabko pata hai ki kachhua haar jaega aur khargosh Jeet jaega kyunki khargosh furtila janvar hai aur kachhua sust aur dheeme chalne wala janwar hai. Daud ke beech mein khargosh ne apne pichhe dekha ki kachhua to bahut dur tha ye dekhkar khargosh ne socha to kyon na aaram kar liya jaaye aur khargosh so gaya per kachhua bina ruke lagatar chalta raha dheere- dheere aur ant mein jaisa ki ham jante hain kachhua ki Jeet hui aur khargosh ki haar

    kahani ka sandesh

    Is kahani ka sandesh hamen jivan ke har mod per ek nai siksha ke roop mein milta hai aur har baar is kahani se hamen samajh bhi milti hai. Ek tarah se dekha jaaye to kachhua se hume yah sandesh milta hai ki jivan mein kabhi bhi apne upar had se jyada vishwas nahin rakhna chahie balki hamen apni kamiyon per bhi dhyan dena chahiye jaise ki kachhua bahut hi furtila Janwar hai per iske sath hi daud ke bich mein hi vah jaldi hi aaram ke baare mein bhi sochta hai aur yahi uski kamjori hai. Theek isi prakar ham Insan bhi thoda sa kaam karke hi apne comfort Jon main jaane ki sochne lagte hain isi karan ham apni manjil ki taraf nahin badh paate.

    khargosh ki tarah kabhi bhi khud per hadse jyada vishwas bhi nahin rakhna chahie kyunki over confidence mein Insan apni galtiyon ko najarandaaz kar deta hai aur samajhta hai ki main to Jeet jaunga jabki vah apni manjil se kafi dur hota hai. Kahani mein kachhua humein sikh deta hai ki khud ko kamjor nahin samajhna chahie aur apne lakshya ko pahchan kar uski taraf chote kadam se chalte hue badte rahana chahiye aur apne lakshya se Judi hui jankari rakhni chahiye .

    Yah kahani hame ye bhi seekh deti hai ki kabhi bhi hamen khud ko bada aur apne samne wale ko kamjor ya chota nahin samajhna chahie kyunki kabhi- kabhi sadharan dikhne wale vyakti bhi vah kar jaate hain Jo ek bahut hi padha likha aur hoshiyar bhi nahin kar pata.

    conclusion

    Kahani hamein sandesh deti hai aur samajhati hai ki hai kis tarah hamen apne lakshya ki taraf samajhdari ke sath dheere- dheere savdhani se kadam rakhne chahie na ki over confidence mein bhagana chahie kyunki jaldbaji mein apne andar ki kamiyon ko nahin samajh paate aur jaldi hi halat se samjhauta bhi kar lete hain.

  • Shiv Shakti aradhna

    Kabhi aapane Shiv Shakti mandir ke baare mein suna hai aapko jagah jagah yah Mandir mil jaenge lekin har mandir ki alag -alag khasiyat hoti hai Shiv Shakti mandir mein aap Jab jaenge to aapko kai bhakt Shiv Shakti ki aradhna karte hue mil Jana jo ki pure lagan se pure dhyan se apne aaradhya ko manane mein lage hote hain.

    Shiv Shakti Mandir

    Aapke aas pados mein society mein mandir hote jain Jin mandiron mein Shiv ji ki pindi hoti hai aur sath mein hi devi maa ki murti hoti hai is mandir ko aap Shiv Shakti mandir kah sakte hain.

    Shiv Shakti Mahima

    Ham hindu dharmik pravritti ke hote hain aur aur prachin samay se hi hamen dharm ki shiksha mili hai hamara din bhakti ke sath shuru hota har vyakti ke man mein prabhu samay hue hain Jo bhakt Shiv Shakti ki Bhakti mein leen rehete hain vah Shiv Shakti mahima ko acchi prakar se jante hain.

    Shiv aur Shakti jismein pindi ke roop mein Shiv aur Shakti ke roop mein mata ke darshan milte hain.

    Shiv Shankar

    Shiv ji jo ki kailash parvat per nivas sthan banae hue hain Jo ki gale mein sarp aur tan ko khal se lapete hue aur bavhoot ka shringar karne wale aur pahad per baithkar tapasya karte hain.

    Mata Parvati

    Mata Parvati Jo ki mahlon mein rahane wali aur jinke liye sare kaam karne ke liye dasiya uplabdh rahti hain yah hamari Mata Parvati hain.

    Parantu Mata Parvati ji ko Shiv ji pasand aaye aur unhone apna vivah Shiv Ji se hi karne ka prad liya halanki ham bhakt jante hain Shiv ji ke sath Vivah karne mein Mata Parvati Ji ko kai kahaniyon ka samna karna pada yahan tak ki unhen ek janm se dusra janm lena pada par Shiv ji ke prati apne prem ko nahin chhoda aur apne hat ko pura kiya.

    Shiv Shakti Mandir Jo hote hain usmein aapko Shiv ji ki pindi ke saath Devi Maa ki bhi murti milegi aur darshan karne milenge aur Shiv aur Mata ke darshan karne ko Shiv Shakti darshan kaha jaega.

    Bahut se bhakt Jo ki Shiv Shakti ke darshan karne matra se hi khush ho jaate hain kyunki Shiv Shakti Mandir mein Shivji aur mata parvati ke darshan ke sath -sath Shakti ka bhi ehsas hota hai aisa mana gaya hai.

    Agali baar aap Jab apne hi pass mein sthit Shiv Shakti mandir mein jaenge aur vahan jakar apne man ki samsya batayege aur kuch der aankhen band kar ke apne Aradhya ko manayen aur dekhenge ki aapko bhi Shakti ka ehsas hota hai.

  • Leak NEET Paper

    kuchh din pahle hi( 3 may 2026)bacche apna NEET ka paper deke nikale aur Pariksha ke kuchh samay baad hi pata chala neet paper leak ho chuka hai.

    Aisa kyon hota hai bacche apne bhavishya ko Ujjwal banane ke liye kuchh karne ke liye NEET paper ki taiyari karte hain mehnat aur lagan ke saath per Jab baad mein pata chalta hai ki paper leak ho chuka hai to unhen kitni nirasha milati hai.

    Neet paper Jo leak hua hai kya usme prashasan ki koi galti nahin hai kya koi jimmedari nahin hai prashasan ki Iske prati yah sab pahli bar nahin hua hai isase pahle bhi chatr pariksha dekar aaye aur pata chala ki pariksha radd ho gayi .

    Pariksha se 48 ghante pahle hi mobile per viral hua tha guess paper aisa( nta) ke mahanideshak Abhishek Singh ka kahana hai.

    Halaki Rashtriy Pariksha Agency(nta) ne nakami ko swikar kiya hai aur kaha hai ki pariksha jaldi hi dobara karai jaayengi aur nai tarikh ka bhi bataya jaega is neet pariksha mein 22.79 vidyarthi ne pariksha di thi.

    Leak hui neet pariksha se pata chala hai ki saat rajyon mein private mafia ke naam se WhatsApp group per chatting hui thi aur is mein 400 log Jude hue bataiye gaye hain paper ko 10 lakh mein kharida gaya tha aur 15 lakh mein becha gaya tha.

    Paper leak mamle mein CBI ne jaanch ko aage badhaya hai aur kai jagah chhape mare hain aur kuchh logon ko pakda bhi hai.

    Paper leak mamla saat rajyon se judta hua dikh raha hai aaropiyon ke mobile aur laptop digital upkar le liye hain.

    Halanki koshish ki ja rahi hai aur paper leak mamle ke doshi ko pakad liya gaya hai lekin fir bhi Chatr jo Pariksha ki taiyari karte hain mahinon pahle aur jab unke sath is tarah fraud hota hai to unke mansikta per kya asar hota hai yah kisi ne socha hai.

    Bhavishya ke sapne sanjoy hue Khush hokar mehnat aur lagan ke saath ek chatr pariksha deta hai aur vahin dusri taraf kuchh raees log apna dirty game khel jaate hain halanki baad mein unhen bhi kuchh nahin milta lekin aise log pure pariksha ke karykram ko kharab kar dete hain chhatron ka samay kharab ho jata hai.

    NEET paper dobara ho per iski kya guarantee hai ki fir se bacche pure vishwas ke saath paper denge.

    Yahan galti kisi ek vyakti ki nahin hai balki pure system ki hai kyunki system mein Jab tak koi kharab vyakti hoga tab tak yah hota rahega isliye pahle system ko theek karna hoga jisse badi pariksha radd na ho aur chhatron ko bhi nirasha na mile..

  • Petrol Diesel aur Nagrik

    Is samay desh mein America Israel ke Iran se yuddh ke karan petrol diesel ka sankat paida hua hai use lekar desh mein Janata se PM Modi ne petrol diesel ki khapat per dhyan dene ko kaha hai aur petrol diesel ke upyog per syiam rakhne a ko bhi kaha hai. PM Modi ne Jo appeal desh se ki hai ham deshvasiyon ko bhi is petrol diesel ke sankat kaal mein. gambhirta se dhyan dena chahiye aur petrol diesel ki khapat per dhyan dene ki jarurat hai.

    Covid Niyam

    Is dauran PM Modi ne bahut kuchh Corona Kaal mein apnay gaye niyam ko apnane ke liye kaha hai Jaise ki work from home, Video caunfrasing call aur online classes chalai jaaye isse bhi hamen fayda hoga. Dur desh shadiyon ke karykram Se bachen

    Videshi Mudra Bachaye

    PM Modi ne kaha hai videsh yatra bhi ho sake to radd karen is jagah gharelu paryatan ko mahatva den yahan tak ki shadiyon ke liye videshi location chunane ke badle gharelu paryatan ko chunkar badhava den

    Apne desh ki utpadit vastuon ko hi kharide gharelu istemal ke liye bhi jaise ki shoos, Bag swadeshi hi le.

    PM Modi ki is appeal se nagrik ghabra gaye hain aur is waqt unhen ghabrane ki jarurat nahin hai balki shanti se dhairya ke saath sarkar ki is appeal mein sarkar ko sahyog den.

    Bharat ke pass petrol diesel ke bade bhandar nahin hai .Bharat ko petrol diesel aur gas dusre desh se ayat karna padta hai jo ki America Israel ke Iran se yuddh ke chalte samasya hui hain isliye nagrikon ghabraye ki jarurat nahin hai is sankat kaal se bahar nikalne mein thoda waqt lagega. Kahate hain har andheri raat ke baad savera jarur hota hai aur ummid per duniya Kayam hai.

    Kisi bhi samasya ka samadhan milane mein thoda waqt lagta hai yah sab ham acche tarike se jante hain to is sankatgrast waqt mein hamen bhi petrol diesel ke gas ke fijul kharche se bachana chahiye aur Covid Jaise niyam apnane chahiye .

  • Karm hi Dharm

    kahate hain sabse bada dharm karm hi hota hai kyunki karm se bada koi dharm nahin hai .. Agar ek doctor apne dharm ko mahatva deta hai aur apne hi dharm ke logon ka ilaaj karta hai to uska yah karm nahin hai kyunki doctor ke liye sabhi marij sirf Insan hote hain aur doctor ko Insaniyat ke naate apna karm karna chahie kyunki doctor ka koi dharm nahin hai.

    Isi prakar ek mandir ke pandit ka dharm puja paath karna hi uska karm hota hai aur isi karya se pandit apne parivar ka bharan poshan karta hai agar pandit mandir mein aane wale bhakton mein dharm se sambandhit bhedbhav karta hai aur apne dharm ke logon Ko hi badhava deta hai to yah pandit ka karm nahin balki insanon mein bhedbhav karna kehlayega.

    karm Se bada Dharm nahin Hai

    Ek kahani hai Jo kuchh is prakar ha.i

    Prachin kaal mein ek nagar mein ek pandit ji raha karte the pandit Ji apni hi jaati ke logon se rishta rakhte the aur neech jaati ke logon ko dekhte bhi nahin the aur na unke yahan ka kuchh bhi khate peete nahin the us nagar mein ek nichee jaati ka hakim tha jo ki logon ka ilaaj acche dhang se karta tha lekin pandit Ji ko us vyakti se ghrina rahti aur jab kabhi bhi pandit Ji ya unke parivar mein kisi ki tabiyat kharab hoti to pandit ji apne ghar ke desi ilaaj ko apnate lekin use hakim ke pass nahin jaate.

    Ek baar ki baat hai nagar mein ek mahamari fail gai aur mahamari se bachne ke liye nagar ke baiidh (Doctor) ke pass mahamari ka ilaaj tha sabhi Nagar vasi ilaaj ke liye kuchh baidh (doctor) ke pass jaane lage aur theek bhi hone lage pandit Ji ko bhi mahamari ka rog lag gaya lekin pandit Ji baidh ke pass ilaaj karana nahin chahte the kyunki baidh (Doctor)maharaj neech jaati ke the pandit Ji ki halat bahut kharab hoti ja rahi thi lekin kisi bhi kimat per apna ilaaj nahin karana chah rahe the parantu pandit Ji ki bahu ne jabardasti pandit ji ka ilaaj baidh se karya pandit Ji ki tabiyat mein sudhar aane laga.

    Rog mukt hone ke baad pandit Ji ki aankhon mein aansu a gaye aur unhone kaha ki main hamesha jaati yon mein matbhed karta raha jabki ek Insan ka karm se bada koi dharm nahin hota hai yah kahate hue pandit ji ne nagar vasi yon se mafi mangi aur kaha aaj ke baad main kisi bhi vyakti se koi bhi bhedbhav nahin karunga.

    Bhagwat Geeta mein bhi Krishna ne yuddh mein Arjun ko isi uddeshy se ki Insan ke liye koi dharm nahin hota balki karm hi sabse bada dharm hota hai.

    conclusion

    Insan kisi bhi jaati ka ho aur kisi bhi pad per ho use karm per hi dhyan dena chahiye aur karm hi karte rahana chahiye kyunki karm se bada koi dharm nahin hota hai.

  • Mother’s Day

    Mother’s Day ek hi din hona chahie mothers ke liye lekin Maa to pure saal apne bacchon ke liye hajir rahti hai Maa har parivar mein hoti hai aur parivar ki Jaan hoti hai .

    Ek aurat kyon apne munh ka nivala tak bacche ko de deti hai kyunki vah Maa hoti hai aur Maa aisi hi hoti hai .

    Kahate hain Bhagwan har jagah nahin a sakte the to unhone Maa ko banaya har parivar mein aur Bhagwan ne apna roop har Maa mein diya .

    Ek bacche ka lalan palan ek Maa se behtar koi nahin kar sakta dhup hoti hai to Maa apne aanchal se bacche ke sar per chhaon ker deti hai aisi hoti hai Maa.

    Bhagwan ki chhavi

    Maa ko Bhagwan ki chhavi mana gaya hai ek aurat apne bacche ke liye sab kuchh karti hai jisse ki vah apne bacche ko ek achcha jivan de sake Maa apne bacche ki rakshak hoti hain aur Jarurat padhne per har sthiti se ladti hai. haar nahin manati.

    Maa ka Aanchal

    Maa ke aanchal mein Jo sukun milta hai vah kahin nahin milta Chhota baccha jab thak haar jaata hai aur Maa ke aanchal mein sota hai to uski sari thakan Maa ke aanchal se mit jaati hai.

    Jin bacchon ke sar per Maa ka aanchal hota hai unhen kisi bhi pareshani se darne ki jarurat nahin hoti kyunki unke saath Maa ka saath jo hai.

    Pahli shikshak

    Maa ko bacche ki pahli shikshak bataya gaya hai kyunki maa bacche mein lalan palan ke saath vyavhar ka bhi poshan deti hai jisse ki baccha achcha aacaharn seekh sake aur vyavaharik ban sake Maa bacche ko acche bure ki samajh bhi deti hai.

    Grahasth Maa

    Pita jab karmakar ghar late hain pita dwara laye gaye kamai se grahasth Maa ghar ko sucharu roop se chalati hai aur pure parivar aur bacchon ko parivar ki jarurat ki sari jarurat on ko jisse ki parivar mein Khushi bani rahe.

    Conclusion

    Bin Maa ke parivar adhura hota hai ek maa apne bacche ko uske lalan palan se lekar uske bade hone tak aur ek acche bhavishya ko banane tak sangharsh karti hai aur apne bacche ko saath deti hai vah har jimmedari ko ek acche nayak ke roop mein nibhati hai Jaise bin maali ke bagicha adhura hota hai is prakar ek Maa ke bina parivar adhura rahata hai Maa ek sukhi parivar ki neev hai .

  • Mindset

    Kisi manjil per pahunchne se pahle ham use manjil ka ek chitr apne manas patal per banate hain aur us chitr mein kamyaabi aur na kamyabike rang bharte hain aur is tarah ham apne dimag mein tay kar lete hain aur use manjil tak chalne ka rasta ham apne dimag mein hi banaa lete hain usi ko mindset kahate hain.

    Is prakar kisi bhi karya ko karne se pahle karya ko kis tarah kiya jaaye iski planning ham kaafi samay pehle apne dimag mein banaa lete hain aur fir isko fisicaly karte hai.

    Bade se bade mahan viyakt jinhone apne jivan kal mein koi bhi invent kiya usse pehle uska chitran apne dimag mein mahinon pahle kiya aur uske baad karya kiya hain aur prasiddh hue hain aur fir aam Insan ki ideal bante hain jo ki kabhi pahle sadharan Insan the lekin apni mindset se unhone apne dimag mein pahle se hi Manjil ko tay kar liya tha ki unhen kya karna hai aur apne karya ko pura karke vah ek aam Insan se khas Insan ban jaate hain

    Planning

    Koi bhi bada kaam hamare dimag mein ek sadharan soch ki tarah aata hai aur fir dheere- dheere uski planning karta hai aur usko kaise karna hai iske liye kafi waqt se planning karta rahata hai hamare dimag mein planning ke pahle aur planning ke baad ka pura chitran ek picture ki tarah hamare dimag mein chalta rahata hai.

    Fix time (samay ka Tay hona)

    Hamara dimag kisi karya ko karne ke liye time bhi Tay karta hai jaise ki Ham Apne Kisi karya ke liye pandit Ji Se muhurt nikal vate hain theek usi tarah hamara dimag bhi kisi kaam ko karne ke liye samay bhi fix kar deta hai aur use tay samay per ham Jab apna kaam kar lete hain to hamen atyant khushi mahsus hoti hai.

    Power of mind

    Manusya dimag mein apar takat hoti hai agar manusya aur use karya ko sabse pahle apne dimag mein to dekhta hai usko copy karne lage aur apne manjil ke raste per chalta rahe to apne dimag ki takat se bahut tarkki kar vah apne sapne ko pura kar sakta hai manusya dimag mein itni shakti hoti hai.

    Agar ham apni manjil ko pahchan le aur manjil per dheere -dheere kadam se chalte chalen to ek din hamari manki raste per Le jata hai aur hamen Manjil bhi dikhlata hai

    Conclusion

    Har Insan ke karya karne se pahle uske dimag mein karya ke prati chitra banta hai aur Iske baad vyakti karya ko karta hai mindset mein bahut badi takat hoti hai.

  • Vijay ,Thalapathi

    Vijay Chandrashekhar jinka janm 22 june 1974 ko hua. Dakshin bharat mein Tamil ke superstar jinhen ham Vijay aur Thalapathi naam se jante hain.

    Sabse adhik vetan pane wale abhi netaon mein se ek hain Vijay ,Thalapathi bachpan se hi bal kalakar ke roop mein filmon mein kam kiya aur teen dashak tak dakshin bharat ke filmi Jagat mein apni jagah banai.

    Abhineta Vijay ne lagbhag 70 filmon mein kaam kiya aur naam bhi khoob kamaya aur 2024 mein filmi Jagat se vida li

    2024 mein filmi Jagat ko alvida kahkar Vijay, Thalapathi ne politics mein entry ki aur (TVK) naam se party banai aur 2026 mein vidhansabha chunav mein khade hokar Jeet bhi hasil ki Vijay ke liye yah bahut badi baat hai aur bahut badi Jeet hai .

    Mindset

    Kisi bhi ladai ko ladne ke liye sabse pahle mind set banana padta hai aur yah Vijay ne karke dikhaya unhone Tamilnadu mein dashak on se satta. chala rahe donon Dravid rajnitik dalon ko harakar apne jeet ka parcham lahra diya.

    Thalapathi ke pradarshan mein (TVK) Drumuk ki party ko jad se ukhadne ke liye prabhavi dhang se netrutva kiya.

    Abhineta Vijay ki vidhansabha chunav mein jeet se rajniti mein bade se bade rajnitik ko hairan kar diya aur pure rajniti mein hulchul bhi macha di.

    Halanki vidhansabha chunav prachar ke dauran abhineta Vijay jyada nahin dikhe lekin Jab bhi dikhe jordar bhashan diya aur virodhiyon per tikhi tippani bhi ki .

    Jeet ke vaade

    Chunav mein Jeet ke liye Vijay ki party ne Tamilnadu Janata ke samne apne vaade rakhe .

    * Beti ke Vivah ke liye 8 gram sona aur navjat bacchon ko sone ki anguthi dene ka Vada kiya hai.

    *60 vars se kam aayu ki mahilaon ko har mahine₹2, 500 dene ka vada kiya.

    *Arthik sthiti se garib dulhan ke liye sone ke saath ek Reshmi Sadi dene ka vada kiya.

    *Har parivar ko saal mein 6 LPG muft cylinder dene ka vada kiya

    Aur bhi aise kai vaade kiye hai jo ki Tamilnadu Janata ko pasand aaye

    Aakhirkar vidhansabha chunav mein Vijay Thalapathi ka Jadu chal gaya aur matra 2 saal pahle bani TV K party ne jordar Jeet hasil ki aur dashakon se rajniti kar rahe satta mein pair jamae hue Draumuk dalon ko jad se ukhad fenka.

    Vijay ji ne abhineta ke roop mein bhi apni pahchan banakar darshakon ke dilon per raj kiya aur politics mein entry kar vidhansabha chunav Jeet sakhiyan batori aur Jeet ker. Janata ko bhi moh liya

  • Bhakti mein Shakti

    Purane samay ki baat hai. Ek nagar mein ek Kumhar ka parivar rahata tha Kumhaar apne chak per mitti ke bartan banata tha aur un bartanon ko bechkar apna jivan yapan karta tha us Kumhaar ki ek beti thi veh bhagwan ki puja archana bade niyam se karti thi aur bhagwan ke bhakti mein hi dubi rahti thi.

    Kumhaar ke bartanon per Kumhaar ki beti sundar -sunder kalakriti karti thi jis karan Kumhaar ke bartan hathon hi haath bik jaate the.

    Nagar ke pass ho ek bahut bada rajya tha use rajya ka Raja aaspaas ke Rajaon se bada Raja tha aur Raja ki Beti ki shaadi thi aur shaadi mein dawat ke liye bartanon ko banane ka kaam Kumhaar Ko mila tha isse Kumhaar bahut khush hua kyunki Raja ki Beti ki shaadi mein bartanon ki khoob bikri hogi naam bhi hoga yah sochkar Kumhaar man hi man bahut khush ho raha tha.

    Kumhaar ne bartan banane ke liye acchi mitti ka intejaam kiya aur pure man aur lagan se Kumhaar ke pure parivar ne bartanon ko banaya aur Kumhaar ki beti ne bartanon per kalakriti bhi ki bartan bahut chamak rahe the aisa lag raha tha jaise ki unmen jaan daal di gai ho. Kumhaar bahut khush tha ki Raja ki beti ki shaadi se kuchh din pahle hi usne bartan taiyar kar liye the. Kumhaar ne saare bartan ek bailgadi mein rakhe aur mahal ki taraf chal diya lekin raste mein mausam kharab ho gaya aur tej barish aane ke karan bailgadi ka pahiya mitti mein faus gaya aur sare bartan jo ki abhi kacche the sukh nahin paye the barish ki vajah se kharab ho gaye yah dekhkar Kumhaar bada dukhi hua.

    Kumhaar wapas ghar a gaya aur ghar aakar apne parivar janon ko bartanon ke nuksan ke bare mein bataya .Pura parivar sochne laga ki ab kya kiya jaaye .Shaadi ke kuchh hi din rah gaye the.

    Kafi soch -vichaar kar Kumhaar ki beti ne kaha ki baithe rahane se kuchh nahin hoga hamen fir se bartan banane ki taiyari karni chahie kyunki abhi shaadi ko kuchh din hain aur ham din raat mehnat karenge to shayad ham shaadi ke din tak bartan banaa sakte hain ye mushkil jarur hai lekin koshish karenge to ho jaega.

    Kumhaar ka pura parivar mitti ke bartan banane mein fir se jut gaya.

    Bartan banane ke saath- saath Kumhaar ki beti Bhagwan ka Jaap bhi kar rahi thi Bhagwan bhi Apne bhakt ki Pariksha lekar khush ho rahe the aur Kumhaar ki beti ko bartan banate aur mehnat karte hue dekh rahe the . Kumhaar ki beti ki is tapasya se Khush hokar Bhagwan ne Kumhaar ki beti ko darshan diye.

    Samay per bartan ban chuke the per Mausam kharab tha aur bartan le jaane ki vyavastha bhi nahin ho rahi thi . Bhagwan ne dekha kyunki bhakt pareshani mein hai to Bhagwan ne apne bhakt ka saath diya aur use samasya se nikala bhi.

    Samay per bartan pahunch chuke the Raja ki beti ki shaadi ka karykram bhi ho chuka tha aur Raja ne khush hokar kumhar ke parivar ko inaam bhi diya.

    .Sacche man se bhakti ki jaaye aur apne karm ko bhi mehnat aur lagan ke saath kiya jaaye to iska fal hamesha mitha milta hai aur Bhagwan hamesha bhakt ki pareshani ke samay mein jarur aate hain .Bhakti ki bhakti mein itni Shakti hoti hai ki Ishwar ko bhi aana padta hai

    Jo bhakt sacche man se apne Prabhu ki bhakti karte hain unki Bhagwan hamesha sahayata karte hain aisi kai kahaniyan hai Jab Bhagwan ne bhakt ka saath diya hai.

    .

    .

  • Ek Nai Subah

    Raat ke baad ek nai subah hoti hai har vyakti ke liye subah ek nai subah ek naya din hota hai aur har vyakti ke liye ek naya mauka hota hai .Apne jivan mein aage badhane ka mauka hai.Jo hua use chhodkar use bhul kar fir se ek naya mukam hasil karne ke liye ek nai raah banane ka ek nai subah aapke liye ek naya avsar lekar aati hai

    Ramu joki ek kisan hai bahut hi garib kisan hai Ramu kheti ke paas kheti naam per uske pass jameen ka ek chhota sa tukra hai aur vahi uski dhan sampatti hai Ramu pura din mehnat majduri karta hai apni acchi fasal pane ke liye lekin gaon ke ek jamindar ka use per karj bhi bahut hai ise patane mein uski saari fasal use jamindar ke pass chali jati hai.

    Ramu ko yakin hai jamindar ka karja pat gaya hai aur ab is baar ki jo fasal hogi use per uska apna hak hai Ramu bahut khush hai ki achanak uski patni ki tabiyat kharab ho gai .Gaon mein kisi acche doctor ke na hone ki vajah se use apni patni ko shahar le jana pada aur mehngi davaon ke atyadhik kharche ki vajah se Ramu ko fir se jamindar se kuchh karj lena pada aur fir se fasal ke apne ghar aane ki ummid khatm ho gai

    Sansar mein har vyakti apne kisi na kisi vajah se pareshan hi hai lekin iska matlab yah nahin hai ki vah dukhon mein doob jaaye aur ummid ko chhod de isliye vyakti ko ummid ka saath kabhi nahin chhodana chahie balki har waqt yah samjhna chahie kii har din ek naya avsar hai aur har subah ek nai subah hai.

    Ruko mat dhire chalo per chalte raho jab tak ki aapko apni manjil na mil jaaye kyunki ak din aisa aaega Jo aapke liye ek avsar lekar aaega aur vahi aapki ek nai subah khelay gi.

    Jivan mein har vyakti ko ek avsar jarur milta hai bus jarurat hai use pahchanne kiper avsar ko pechana me kabhi kabhi der hoti hai jis din ham apne avsar ko pahchan lenge jis din ham avsar ko pahchanne ki samajh apne andar bana lenge use din se hamen apne jivan mein aane wali har ek rok badha nahin lagi balki ek avsar lagegi.

    Agar ham apni nakaratmak soch ko band kar denge aur sakaratmak najriya ko bnayege to hamare liye pareshani pareshani nahin balki hamare liye ek mauka hoti hai kyunki sangharsh ke sath Jo chalta hai vah vyakti ek n ek din apne apni manjil prapt kar leta hai.

    Agar kabhi aap haar jaye to iska matlab yah nahin hai ki aap aage badh nahin sakte aapko yah bhi nahin sochana chahie ki aage badhane ke saare raste khatm ho gye balki yah sochiye li ab mujhe ek naya avsar mila ha.i Ek nai subah mili hai aur sab kuchh purana sab kuchh Jo bura hua hai use bhul kar ek naya safar shuru kijiye har vajah ko ek naya avsar banaiye aur aage badhane ke raste aap khud hi banao aur ek kadam bhi jab aap uthaoge aur badho ge to dheere- dheere aapko apne raste milte jaenge aur aapko samajh mein aaega ki raste kabhi band nahin hote balki Insaan khud thak kar baith jata hai.

    Kehte bhi hain ki haar kar jitne wale ko Sikander kahate hain aur Sikander Iske bare mein kaha jata hai usne aadhi duniya Jeet li thi to kya usne pareshaniyan nahin dekhi hogi nahin balki usne aage badhane ki himmat banai aur apna rasta jeet ki or jaane wala rasta apnaya.

    Isliye utho jago aur chalte raho chalte waqt aapki speed kam ho koi baat nahin per chalte rahiye jab tak ki aapko aapki manjil na mil jaaye jab tak ki aapko aapki ek nai subah mil jaaye iske saath namaskar sabhi ko.