wwwmeridiary.com

Blog

  • kahani gadhe ki

    Hi doston main aapki blog Mam fir se aapke liye ek naya blog lekar hajir hun.

    Ek gaon mein ek dhobi rahata tha .Dhobi ke kaam ke karan uska door tak naam tha. Dhobi gaon ke sabhi logon ke kapdon ko dhone ka karya karta tha aur kapdon ko ekadam saaf safai se dhota tha aur samay per unhen pahuncha ta tha uske is karya ki vajah se vah aaspaas ke gaon mein bhi prasiddh tha aur use aaspaas ke gaon wale bhi usi se apne kapde bhulana pasand ka karate the.

    Jis tarah dhobi ka karya prasiddh tha usi tarah dhobi ka gadha bhi prasiddh tha aur vah bhi bahut mehnati tha. Apane dhobi malik ke sath sath hi rahta tha dhobi uske upar sare kapde ka bojh ladh deta tha lekin gadha kitna hi bojh ho jata vo sare bojh ko uthata aur Jahan tak pahunchana hota tha vahan tak apne malik ke sath chalta tha is tarah vah apne malik ka pyara tha .

    Per jab kabhi gadhe ko koi pareshani hoti to uska malik dhobi uski dekh rekh bhi karta tha.

    Usi gaon se thodi duri per Jungle tha aur Jungle se dusre gaon ka rasta jaldi a jata tha isliye aksar dhobi apne gadhe ke saath usi Jungle se hokar nikalta tha

    Usi jungle mein ek kuan tha Jo ki sukh chuka tha .usko band karne ke baare mein aaspaas ke gaon main vichar kar yah tay kiya ki use kue ko mitti bharkar band kar diya jaaye jisse ki kabhi koi ghatna na ho.

    Ek bar ki baat hai saam ka waqt tha gadhe ki tabiyat thodi kharab thi.Lekin dhobi ko pass ke hi gaon mein kapde pahunchane the isliye vah apne gadhe per kapde rakh kar gadhe ke sath Jungle wale raste se jaane laga gadhe ki tabiyat kharab hone ki vajah se aur uski peeth per bojh adhik hone ki vajah se use chakkar aane lage jis karan vah najdeek mein usi sukhe kuye ke pass thodi der ke liye khada ho gaya lekin khud ko sambhal nahin paya aur kuye mein gir gaya.

    Kab dhobi ne yah dekha ki uska gadha kuen mein gir chuka hai to dhobi bahut hi chintit hua aur usne socha ki kisi tarah gadhe ko bahar nikaalo lekin kaafi koshish on ke baad bhi dhobi apne gadhe ko kuye mein se nahin nikal paya.

    Dhobi sochne laga ab kya kiya jaaye tabhi uske dimaag mein khayal aaya ki ab gadhe ki tabiyat har dusre din kharab rahti hai aur gadha budha bhi ho gaya hai yahan se aage ab kisi kaam ka nahin rahega kyunki girne ki vajah se ho sakta hai uski tang toot chuki ho.

    Dusri taraf se kuchh vyakti gaon wale mitti lekar kuye mein dalne la rahe the to dhobi ne socha ki is mitti ko kuen mein dalne do aur gadhe ko dab jaane do kyunki ab gadha mere kisi kaam ka nahin hai yah sochkar dhobi bhi mitti daalne laga.

    Kuen mein pada gadha dar raha tha kyunki vahan per andhera aur kilde bhi the jo use kaat rahe the .gadhe ki tabiyat aur bigad gai thi khada khada bhi nahin ho pa raha tha .Lakin upar usne apne malik ko mitti dalte dekha to use bahut hi jyada dhukh huaa aur socha ki maine malik ke saath kitni wafadari nibhai aur ktna karya kiya fir bhi mere malik mujhe maarna chahte hain.

    Gadha khud ko bachane ke baare mein sochne laga aur fir jab- jab uske upar mitti girti vah apni peeth ko hilakar mitti ko niche kar deta aur bahar nikal aata aur usi mitti ke upar khada ho jata aisa har baar gadha karta gaya aur is tarike se bahar nikal aaya..

    Kahani hamen shiksha deti hai ai ki apna Khayal khud rakhna hota hai ummid nahin chhodni chahiye aur na kisi se ummid rakhni chahie har samasya ka samadhan hai.

    .

    m

  • Lauki ki barfi

    Hi doston main aapki blog Mam mein aapke liye ek naya blog lekar hajir hun

    Aaj ham lauki ki barfi banana sikhenge vaise to lauki ki barfi aap saal mein kabhi bhi banaa sakte hain lekin garmiyon mein adhiktar yah banti hai . Lauki ki barfi jhatpat banne wali ek mithaai hai per iska swad bhi lajawab hai.

    Lauki kiBarfi ka saman

    *lauki 1 kilo(kaddukas ki Hui)

    *chini 400 g

    *full fat dudh(cream wala) 350 ml

    *ghee 1-2 chamcha

    *ilayachi powder 1 teaspoon

    lauki ki barfi ki taiyari

    Sabse pahle market se 1 kilo taji lauki lekar aaye aur usko chil ker lauki ke andar bij wale hisse ko nikal de aur bina beej wale hisse ko kaddukas kar le aur isko halka sa ubal le.

    lauki bhun na

    Gas on karke use per kadhai rakhkar kadhai mein 1 chamcha ghi dalkar usmein kaddukas ki gai lauki ko daal len aur lauki ko bhune aur iska extra pani sukha den. Iske baad ise thoda aur chalate hai aur jab kadhai mein halka chikna pan dikhne lage tab samjho lauki bhun gai.

    Chini dalna

    Lauki jab bhun jaaye tab uske bad is mishran mein 400g chini dalen aur fir isko chalayen chini dalne se mishran thoda patla ho sakta hai uske pani ko high flame per sukhane de

    ilaichi powder, mewa dalen jab lauki ki barfi taiyar ho jaaye tab usmein ilayachipowder aur mewa darenge.

    Thali mein Barfi set karna

    Ab aapki lauki ki barfi taiyar hai kadhai mein se nikal kar ghi lagi hui thali mein dalen aur isko ek sath fila lete hai aadha ek ghante ke liye isko set hone den.

    Avashyak sujhav

    Lauki ko kaddukas karne ke baad nichod lena chahie vaise to lauki ke pani mein vitamin hota hai lekin nichod lene se aur halka ubal lene se barfi banne mein jyada der nahin lagti.

    chini dalne ke baad aksar mishran patla ho jata hai iska pani sukhane ke liye gas ko high flame per kar sakte hain.

    lauki jyada bij wali nahin honi chahie aur lauki purani bhi nahin honi chahie taji honi chahie.

  • Khoe ki barfi(mava Barfi)

    Hi doston main aapki blog Mam mein aapke liye ek naya blog lekar hajir hun..

    Aaj ke blog mein ham sikhenge khoe ki barfi banana .. Khoe ki barfi ka swad bahut hi achcha lagta hai aur ise banana bahut hi aasan hai.

    Khoe ki barfi banane ke liye ghar per hi mava taiyar kar sakte hain ya fir bajar se banaa hua le sakte hain ghar per hi mava taiyar karne se barfi mein swad aur badh jata hai iske liye aapko dudh lena hoga cream wala aur usko gas per rakhkar chalate hue garam karna hai aur jab tak ki dudh gada na jo jaaye khoya ban na jaaye tab tak chalana nahin chodana hai is tarike se ghar per hi khoya taiyar kar sakte hai main yahan per khoe ki barfi banana bata rahi hun.

    Barfi ke liye jarurat ka saman

    *- Khoya 500g.

    *- chini 250g.

    ,*-3-4 Hari ilayachi. ( pisi Hui).

    *- Barik kata mewa (pista , badam,).

    *- Chandi ka work(optional hai).

    Barfi banane ki vidhi

    * khoya bhun na

    Sabse pahle gas ko on kar le aur kadhai ko low flame per rakhen . Kadhai mein khoya kaddukas kiya hua dalenge aur kalchi se chalate jaenge iske baad jab khoya halka ghee chhodane lage ya fir dikhne lage tab aapka Khoya tayaar ho chuka hai aur khoe ko niche utaar lenge aapka Khoya bhun chuka hai.

    * Chini Dalna

    500 gram khoye mein 250 gram chini dalni hai jab khoya bab jaaye tab usmein chini daal den aap chahe to pisi chini daal sakte hain aur ise acche tarike se mila le chini dalne ke bad misran thoda patla ho sakta hai isliye iska paani high flame per sukha de. Jab khoya aur chini ka mishran gada ho jaaye aur yah ekattha ho jaaye tab isko gas per se utaar le.

    *ilayachi powder

    Ab is khoe ki barfi mein pisi hui hari ilayachi ka powder mila len ilayachi powder dalne se barfi ka swad badh jaega aur khushbu bhi aaegi.

    *Mewa dalna

    Khoe ki barfi ke mishran ko ghee lagi thali mein ek sa fila le ab khoe ki barfi ke upar kate hue mewa (badam ,pista) dalen aur ab khoe ki barfi ko jamne ke liye 2-3 ghante ke liye rakha rahane den iske baad chaku se manpasand aakar main barfi ko Kate.

    *Jaruri jankari

    Khoya taaja hona chahie purana khoya nahin hona chahie .Khoe ko halka hi bhune jyada na bhule nahin to khoya jal sakta hai aur is vajah se swad bhi kharab ho sakta hai chini adhik nahin dalni chahie kyunki jyada meetha ho jata hai ya jyada kam bhi nahin dalni chahie khoe ke hisaab se hi chini ki quantity rakhni chahie aap barfi ke upar chandi ka work bhi laga sakte hain vaise yah optional hai.

  • Veg Biryani

    Hi doston main aapki blog mam aapke samne ek naya blog lekar fir se hajir hun.

    Aaj main aapko veg biryani banane ki vidhi bata rahi hun thoda sa alag swad ke sath vej biryani ki recipe sikhate hain.

    Veg biryani recipe

    1:-Basmati rice 500 g.

    2 Soybean ki bari 50 g, Ek gajar, 50 g. matar, phool gobhi ke kuchh tukde, ek bada aalu chhote tukde kare hue.

    3:-Paneer ke tukde tale hue.

    4 100g dahi.

    5:-Lesson aur adrak ka pest, ek pyaj Kati hui.

    6 :-Sabut masale (2-3 long, 2 hari ilayachi, 8-10 kali mirch, 2-3 tejpatta.)

    7:-Masale pise hue (namak, lal mirch powder, dhaniya powder, garam masala, haldi, amchur.)

    Chawal pakana.

    Gas per ek bada bartan lekar jitna chawal hai uska double pani ubalne ke liye rakh den usmein thoda sa do chammach refine oil daal den aur ek chammach nimbu ka ras daal de jisse hamare chawal khile hue aur ek -ek dana aur chamakdar banenge.

    Jab pani ubalne lage to chawal on ko jo ki pahle see hi dhoker rakhe the garam pani mein daal den aur bartan ko dhak den gas ki flame ko dim kar den aur 15-20 minut ke liye chhod den

    Sabse pahle acchi quality wale 500 gram basmati chawal ko saaf karke 15 minut ke liye pani mein gala dete hain chawal ko banane se thodi der pahle hamesha pani mein thodi der rakhna chahie jisse ki chawal acche tarike se banta hai.

    Beech -beech mein chawal ko halke hathon se chala le jisse ki sare chawal Pak jaen 15-20 minut baad aap dekhenge ki chawal pak chuke hain chawal khila -khila bana hai aur herek dana uska alag hai chipak nahin raha is tarike se aap chawal taiyar kar lenge.

    Sabji Banana

    Ek cooker mein refined oil dalkar usko thoda garm hone den . Tel garam ho ne per tel mein jeera dalen uske sath hi kali mirch, laung ,tej patta, hari ilayachi dalen. Sath mein chalate jaen aur pyaj bhi daal de usko halka bhune iske saath lesan aur adrak ka pest bhi daal den usko lagatar chalate rahen jisse ki vah niche bartan mein na lage aap dekhenge ki khushbu bahut acchi aane lagi hai ye ismein masalon ki khushbu aa rahi hai.

    Jab masale aur pyaj halka sa bhun jaaye uske baad usmein kati hui sabjiyan bhi daal den aur soybean ki bari ko pani mein se ni chhodkar use bhi daal den agar aap chaho to bari ko tel mein tal bhi sakte ho yah optional hai varna aap aise hi daal sakte ho iske bad ismein pise hue masale bhi dalen hai.Masale aapko apne swad ke hisab se dalne hain yahan isliye maine quantity nahin likhi hai kyunki Kksi ko teekha pasand hai aur kisi ko halka teekha pasand aata hai. Ek cup pani dalkar aap chahe to ismein ek sity high flame per laga sakte hain ya fir usko 5 minut aise hi pakane den low flame per jab sabjiyan thodi si gal jaen tab usmein thoda sa nimbu bhi nichode den.

    sabji aur chawal ki layer banana(parat banana)

    Ab kisi dusre bade bartan ki tali mein thodi se chawal daal de uske baad sabji ki bhi ek layer chawal on ke upar banaa de fir uske baad thode se paneer ke tukde daal de fir se chawal on ki layer banaa den is tarike se ek patli layer chawal ki aur uske upar sabji ki layer banaen aur fir se kuchh paneer bhi dalen jab aapki layer ban jaaye uske bad use per dhaniya patta dalkar garnishing karen.

    Doston Biryani khane ka sabka apna swad hai koi ise pudine ki chatni ke sath khata hai Koi ise raite ke sath khata hai Koi ise achar ke sath leta hai to koi ise tamatar pyaj lahsun ka shobha banaa ke uske sath khate hain isliye aap bhi apni pasand ke anusar Biryani ke sath apna swad len.

  • Poha banane ki vidhi

    Hi doston main aapki blog mam aur aapke liye ek naya blog lekar fir se hajir hun.

    Poha hamare gharon mein aksar har dusre- teesre din banta hi hai aur chai ki sath ek snakes ka kaam bhi karta hai. Halka -fulka nashta aur kam mirch masale wala Jo aksar sabhi ko pasand aata hai poha banane ke liye hamen jyada samagri ki jarurat nahin hoti hai ai aur jhatpat banne wala nashta hai bahut hi achcha aswal hai .

    To chaliye halke -fulke nashte ko,chatpate nashte ko jo ki achcha lagta hai to ek alag tarike se poha banana sikhate Hain.

    Ingredients(samagri)

    1:250g-poha.

    2:50 g – moongfali (tali hui,chili hui).

    3: 1 pyaaj (barik kata hua).

    4 :1 tamatar (barik kata hua).

    5 : 2-3 hari mirch (barik Kati hui).

    6 Ek Chhota chamcha tel ya refind.

    7: Masale (namak, lal mirch ,dhaniya powder)

    8: Adha teaspoon nimbu ka ras.

    Poha banana

    Sabse pahle market se packet wala ek acche product ka poha lena chahie packet kholkar yah dekh le bua saaf hai aur usko saaf kar lena chahiye acchi tarike se iske baad usko steel ki chalni mein dalakar uske upar pani dalenge pohe ko pura gila kar le . Pohe ko gila karne ke baad chalni ko thoda sa tircha rakh den jisse ki iska extra pani bahar nikal jaaye.

    Ek kadhai mein tel dalkar gas ko on kar den aur usko thoda sa garm hone garam hone ke baad usmein jeera daal den aur pyaj daal den halka sa bhun ne ke baad usme tamatar aur mirch aur mungfali daal kar usko chalate rahe hain aur lagatar ine sab Ko chalate rahenge iske baad pohe ko kadhai mein daal den kisi ko pohe chatpate acche lagte hain Lekin main aapko kahungi ki pohe ko halka namak mirchi dalen kyu pohe halke mirch masale ke acche lagte hain pohe mein masala dalne ke baad unko lagatar chalate rahen gas ki flame kam kar den jab pohe mein sare masale mil jaen to upar se Jara sa nimbu bhi nichode den maine yahan per haldi nahin dali hai haldi optional hai .Agar aapka man hai to daal sakte hain kyunki bina haldi ke pohe mein ek alag hi touch aata hai ab aapke pohe puri tarah Se khane ke liye taiyar hain .

    Aapke pohe khile khile aur ek alag tarike ke bane hue hain. Garam-garam pohe aap chahe to iska swad chai ke sath le sakte hain aur yah aapko bahut hi testi lagenge.

    Poha bahut hi halka rahata hai aur yah khane ke baad pet bhi jyada bhari mahsus nahin hota hai aur chai ke sath yah ek snacks ki tarah kaam aata hai aur adhiktar ham logon ke yahan banta hai to maine yahan ek alag tarike se poha banaya hai.

    Doston aapko mere blog kaise lagte hain mujhe comment kijiye dhanyvad.

  • Rasgulla banane ki vidhi

    Hi doston main aapki blog Mam aapke liye ek naya blog lekar hazir hun

    Rasgulla, kala jamun,gulab jamun aur ek mithaai aur jaane kitne naam hai.rasgulla bahut swadisht aur meethimunh mein ghul jaane wali Bhartiya mithaai hai. Jo aamtaur per ham bhartiya logon ke gharon per har manglik karykram, shaadi vivah mein banai jaati hai aur yah kafi favourite hai Bangal ki mithaai ka rasgulla raja hai aisa kaha jata hai.

    Rasgulle ki vidhi

    ingredients :

    *Mava. (Khoya)400g.

    *paneer 150g(kaddukas Kiya hua).

    *Baking powder-half teaspoon.

    *2-3 Hari ilaychi(pisi Hui).

    *stuffing: chiraunji kaju badam ( Barik kate hue).

    Recipe(method)

    1: dow taiyar karna.

    Paneer ko kaddukas kar len uske baad kaddukas kiye paneer ko halke hathon se masale 5-10 minut ke liye aur fir iske ke baad is mein mava bhi mila den aur fir se halke hathon se 3-4 minut ke maslen jisse yah sab mil jaega aapas mein aur chikna ho jaega is tarike se aap ek dow (aata )taiyar kar lenge gulab jamun ke liye.

    2 :chasni

    1 kilo chini ko ek gilas pani mein kisi bartan mein milakar ke gas per ubalne ke liye rakh de, Jab pani mein ubaal a jaaye gas ki flame ko kam kar den aur 2-3 minut ke liye pani mein ubaal aane de chashni mein aap pisi hui hari ilayachi aur Jara sa kesar daal sakte hain jisse ki chashni mein mehak aur swad badh jayega.

    3: stuffing

    Aate ki choti -choti gol loiya tod le aur in goliyon ke bich mein kaju chiraunji badam chhoti ilayachi (barik kate hue) bharle thoda -thoda aur fir ki gol gol loiya banaa len.

    4:talna

    Kadhai ko high flame per rakhkar usmein avashyakta anusar tel ya ghee daal den aur usko garm hone den. Tel ko jyada garm na karen aur fir usi garm tel mein loiya talne ke liye daal den aur unko beech -beech mein alat-palat karte rahen jab vah goliyan halke gulabi rang ki ped jaen tab unko bhar nikal le.

    5: chashni mein dalna

    Tale hue gulab jamun ko halki garm chasni mein hi 2-3 ghante ke liye daal kar chhod den jisse ki goliyon mein chasni andar Ja sake..

    Dhyan Dene wali baten

    Aate ki loi me meba ander daalne ke baad loi ko acche tarike se halke hathon se gol karen, paneer aur meba ko acche tarike se mila le jisse ki gulab jamun banne ke baad ya banne se pahle fate na, chashni ko bhi jyada gadha ( Thik )na karen.

    Is tarike se aap dekhenge ki aapke gulab jamun bahut acche ban chuke hain.

    Hi doston agar aapko mere blog pasand hai to mujhe comment kijiye.

  • Asha Bhosle

    Hi doston main aapki blog mam aapke liye ek naya blog lekar hajir hun.

    Asha Bhosle jinka parichay dene ki koi jarurat nahin hai kyunki ham sab unhe unko jaante hain.Asha jiek aisi hasti thi. Jo aaj hamare bich mein nahin .unka nidhan pure Bharat ke liye bade dukh ki baat hai.

    Asha Bhosle ji ka nidhan Mumbai ke Brich candy hospital mein ho gaya jis karan sangeet ki duniya mein ek tarah se kaha jaaye to ek kali raat hai.

    Yah ek aisi hani hui hai jise bhara nahin Ja sakta aur ek na bhulne wali hasti Asha Bhosle ji ab hamare bich nahin hain.

    Asha Bhosle ji ka janm 8 September 1933 mein Maharashtra ke Sangli jile ke ak Marathi Parivar mein hua tha Asha Bhosle ji ke pita ji Dinanath Mangeshkar ji ek prasiddh Nayak aur sangeet kar the .

    Asha Bhosle Ji ko bachpan se hi sangeet ka mahaul Mila aur isi karan Asha Bhosle ji ko shastriya sangeet ke shiksha bachpan se milane lagi aur Asha Bhosle ji ka sangeet ki taraf hi judaa b raha.

    Asha Bhosle ji ke bachpan mein hi inki pitaji ka dehant ho gaya Jab Asha ji umar shayad 8 ya 9 saal ki thi. pitaji ke dehant ka dukh unhone bachpan mein hi dekha

    Sangeet mein ruchi hone ke karan Asha ji ne sangeet lagan ke sath sikha . Asha ji ka carier sangeet hai ye shayad bachpan mein hi tay ho gaya tha.

    Asha Bhosle ji ki shaadi Ganpat Rao se hui aur unhen teen bacche bhi hue jismein se do ladke aur ek ladki hai

    Asha Bhosle ji ek prasiddh gayika aur ek prasiddh hasti thi jinki yaad hamesha hamare dimag mein hamesha rahegi vah hamari bich nahin hai lekin hamare man mein aur dil main hamesha rahenge.

    Asha Bhosle ji ne sangeet ki duniya mein acche gane gaye hain jinhen sunte hi hamara man Anand se bhar jata hai.

    Asha Bhosle ji ki awaaz mein mithaas thi ek alag hi Jadu tha. Asha Bhosle ji ne apne carier mein lagbhag 10-11 ,000 gane gae hain .

    Ek na bhulne wali hasti ab hamare bich nahin hai Asha Bhosle Ji ne dukh bhi kafi dekhe the unki shadishuda jindagi success nahin rahi pahli shaadi Ganpat Rao ji ke sath usmein unhen kafi dukh Mila unke pati aur sasural Jan unhen pidit rakhte the jis karan unhone talaq le liya uske baad Asha Bhosle ji ki dusri shaadi R .D .Burman se hui halanki yah dusri shaadi bhi kuchh saal chali iske baad Asha ji alag rahane ko majbur ho gayi

    Asha Bhosle Ji ek himmat aur swabhiman se bhari mahila thi unhone apne carier ke saath apne parivar ko bhi sambhala vah ek aisi hansti thi jinko ham kabhi bhula nahin sakte.

    Dhanyvad doston.

  • Apna Kaam swayam Karo

    Hi doston main aapki blog Mam aapke liye ek naya blog lekar hazir hun.

    Ek chidiya thi bo gehun ke khet mein ghosla banakar rahti thi .uske ghonsale mein chidiya ke do bacche bhi the. Gehun ki fasal katne ke liye taiyar thi gehun ke khet ka jo Kisan tha veh rojana gehun ki kheti dekhne aata tha aur apne sath har roj ek naye vyakti ko lekar aata tha aur unhen dikha ta tha ki gehun ki kheti taiyar ho chuki hai lekin abhi ismein thoda waqt hai jabki gehun ki kheti puri tarah se kaatne ke liye taiyar ho chuki thi lekin kisan aalsi tha aur vah chata tha ki uski fasal koi aur Kat de aur use kuchh karna na pade isliye kishan roj bahane bana ta tha is tarah uski gehun ki kheti mein gehun fasal se girne lage the.ek baar Kishan ke sath ek vyakti aur aaya usne use samjhaya ki aalas karne se kuchh nahin hoga balki apne kaam swayam karna chahie kyunki fasal kafi barbad bhi hone lagi thi yah dekhkar Kishan ko mahsus hua ki mujhe aalas chhodkar apna Kaam swayam karna chahie aur fir ek din vah pure man se kheti kaatne ke liye taiyar ho gaya. Aur idhar chidiya roj Kisan ki baat sunti thi ki kis tarah se vah apne din aage badhata ja raha tha kheti kaatne ka kaam ko talta ja raha tha chidiya ke bacche Jo apni chidiya maan se roj kahate ki maan ab to hamen udd Jana chahie kyunki Kishan a raha hai aur vah fasal ko katega jis karan hamara ghosla kharab ho jaega aur fir ham kahan rahenge lekin chidiya maan Jo kisan ki baat ko har bar dhyan se sunti aur shanti se kahati ki abhi ruko abhi Kishan ka man apne fasal ko kaatne ka nahin hai.Lekin chidiya ne dekha ki ab Kishan samajh chuka hai ki use apna kaam swayam karna chahie aur vah pure pakke man se fasal kaatne ke liye taiyar ho chuka hai. Chidiya apne bacchon Ko lekar udd gai ye kahate hue ki ab Kishan samajh chuka hai ki apne kaam swayam karna chahie isliye ab hamen yahan se udna chahie aur ek naya ghosla banana chahie ye kehte hue chidiya apne bacchon ke sath udd gayi.

    Dekha aapane jab tak vyakti apne kaam khud se nahin karta hai uska koi kam nahin hota kyunki vah dusron ke bharose baitha rahata hai lekin lyon koi kisi aur ka kam karne aayega apna kaam swayam karna hota hai to ham apne aalas ko khatm karke apne kaam swayam karenge aur dekhenge ki koi bhi kam mushkil nahin hota balki hamare andar ka aalas kisi bhi kaam lo karne mein konkani karta hai

    Agar ham apne karya apne aap swayam nahin karenge to iska prabhav hamare apne logon per padega aur yahi aalas ham apne bacchon ko sikha dete hain jabki hamen unhen apne kaam swayam karne ki aadat daalni chahie ye sikh deni chahie.

    Aalas ki vajah se karya ko kal per dalne ki vajah se aur kam ko samay per na karne ki vajah se ham bahut hi na kamyab ho jaate hain aur jiska dosh ham auron per daalte rahte hain asal mein ham khud hi Kaam ke na hone ki vajah hote hain.

    Isliye apne kaam swam kariye chahiye kisi aur per nahin dalna chahie kyunki kaam hamare hain aur hamen hi karne chahie

    Ham sab mein aadat honi chahie apne karya ko samay per aur swayam karne ki karya ko swayam karne chahie is vajah se hamari jankari badhati hai aur sahi samay per karne ki aadat rahti hai.

    Agar aapko mere blog pasand hai to mujhe comment kijiye

  • Work 80/20

    Hi doston main aapki blog Mam aapke liye ek naya blog lekar hazir hun.

    Work 80/20 yah aisa formula hai jo ki har vyakti ko apni life mein apply karna chahie agar aap life ke kisi bhi field mein ho bo fir kyon na student life jo , worker ho chaye ek aam Insan hi kyu na ho.

    Job karne wale vyakti ho ya ek housewife hi kyon na ho 80/20 ka formula sabke liye achcha result deta hai. Ye 80/20 kya hai ye ek jaruri baat hai jo hamare liye samjhna jaruri hai.

    80/20 rules ek bahut achcha rule hai jo life mein success hona chahte hain to hamen apne work per 20% dhyan dena hoga yah vah 20% work ha jo baaki ke 80% se jyada jaruri hai aur is tarah aap success honge Jo aapko 100% result denge matlab 20% Jo hota Hai vahi main hota hai aapko Kisi bhi kam ke liye jyada mehnat karne ki jarurat nahin padegi bus aap apne work se related karya per 20% jaruri work per dhyan dena hoga aur is tarike se aap jyada mehnat se bach jaaoge aur success ho jaaoge.

    Isi tarah agar student apne syllabus ka main 20% syllabus ko complete kar lete hain to unhe 100% yaad karna nahin padega aur vah apni padhaai mein hai acche marks lekar aaenge 20% syllabus ko jo ki 80% se jyada main hai iski vajah se aapko 80% mark mil jaate hain Kya Ho Gaya

    ISI tarah kisi badi company mein koi employee jo kafi waqt se apne promotion ke liye koshish kar raha hai lekin usko kafi lambe waqt se promotion nahin mila hai to usko bhi 80/20 ka rul apply karna chahie . Aapko kahana yah hai ki employee ko company mein promotion pane ke liye company se related main 20% work per focus karna chahie jo ki 80% work mein nahin ho pata aur jyada mehnat ho jaati hai isliye 20% mehnat se hi vah apna promotion le sakte hain aur is tarah se jyada load bhi nahin aaega

    Aurat Jo apne ghar Ko sambhalti hain unhen bhi sare din ke kaam se thakan ho jaati hai aur apne liye waqt nahin nikal paati aur chidchida pan rahata hai agar vah bhi is 80/20 ke rule ko follow kar sakti hain jisse ki vah apne aur bhi kamon per dhyan de sakte hain.

    80/20 ka rule sabhi field mein use kar sakte hain kyunki jab ham 20% Jo kar rahe hain mahatva purn hota hain aur ham ager 20%jaruri kaam per dhyan dete hain to hamen baki ke 80% work per jyada dhyan nahin dena padta.

    80/20 ke bare mein aapane Kai jagah padha hoga aur uske bare mein suna hoga lekin yah bahut achcha rule hai ise apply karna hi fayde mand hai.

    Har vyakti apni life mein success hona chahta hai lekin beh nahin jaanta iski vajah veh pura din ghada majduri karta hai lekin uske hath mein kuchh nahin aata iske bad bhi uske bahut se sapne adhure rah jaate hain aur jivan bhar sirf apni jarurat ko pura karne ke liye pista rahata hai.

    Aaj ka samay smart banne ka samay hai ab aapko jyada mehnat karne ki jarurat nahin hai balki sahi disha mein sahi karya jo aapko aapke Manjil ki taraf le jaen aise karya per dhyan dena hai agar aap faltu ke Karya apne jivan se nikal dete r hain to dekhenge ki kafi load kam ho chuka hai aur aap bahut halka mahsus karenge kyunki aaj ke waqt mein humne life ko bahut kathin banaa diya hai Jaisi ki vah hai nahin ham apni life ko dhang se enjoy nahin kar paate har waqt tension mein hi rahte hain jiski vajah hamari soch sahi disha mein nahin hona hai.

    Doston 80/20 % rule ka fayda logon Ko samajhna chahie aur apni life mein apply karna chahie aur is tarah Se aap aage badh jaaoge.

    Doston agar aapko mere blog pasand hai to mujhe comment kijiye.

  • Sikho galti se

    Hi doston main fir se hajir hun aapke samne ek naya blog lekar aapki blog Mam aur aaj ke blog ka title hai sikho galti se.

    Har Insan Jo kuchh karna chahta hai usne kabhi na kabhi galti ki hai vah chahe koi aam Insan ho ya koi naami hasti lekin jyadatar vyakti aage nahin badh paate kyunki unhen galtiyan karne se dar lagta hai isi vajah se vah Jo kuchh achcha kar sakte hain lekin kar nahin paate kyunki inko dar lagta hai ki maine kuchh kiya to galat na ho jaaye lekin ham yah kyon bhul jaate hain galtiyon se hi insan sikhata hai jisne galti nahin ki uski sabse badi galti yahi hai ki usne kabhi Koi galti nahin ki shayad isliye galat hone ka dar uske dimag me se kabhi nahi nikla.

    Agar Chhota baccha Jo chalna sikh hi raha hai vah girne ki dar se chalega nahin to vah kabhi chalna sikh nahin payega isliye baccha girne ke dar Ko chhodkar bus sirf chalta hai aur jab tak ki vah theek se chalna nahin sikh pata. Dekha jaaye to ek chhota baccha hamen kafi kuchh sikhata hai kitna vah girta hai lekin fir bhi vah chalna chahta hai vaise hi humko bhi girna hai uthana hai aur fir apni hi galtiyon se sabak lena hai.

    Agar aap apne charon taraf dekhen to aapko bahut se udaharan mil jaenge galtiyon se seekh te hai to aap dekhenge hamare aaspaas hamare dainik jivan mein kam aane wali bahut si vastu hain jinka aavishkar karne wale the jinhone galtiyan ki aur apni galtiyon se bahut si seekh bhi li lekin jab tak unka aavishkar pura nahin hua yah ruke nahin yah mahapurush jo pahle ek aam Insan the lekin unhone aage badhane ki thani aur apni galtiyon se hi sabak liya aur apne manjil ke raste banae .koi bhi vyakti ek bar mein apni manjil ko hasil nahin kar pata Jo vah chahta hai use pane mein samay lagta hai koi bhi bada kaam ek aat mein nahin hota hai kuchh waqt lagta hai.

    Thomas Alva Edison jinke bare mein har Koi jaanta hai light Bulb ka aavishkar kiya tha kya vah apne pehle experiment mein safal ho gaye the nahin unhen kafi waqt laga tha aur unse kafi galtiyan bhi hui thi .Lekin unhone haar nahin Mani aur har bar unhone apni galtiyon se ek naya paath padha aur isse vah aage badhe kyunki vah ruke nahin kyunki veg jante the ki galtiyon se hi samajh gaye the ki ab unke experiment mein kahan galti rah gai hai aur is tarike se aage badhate hue unhen Bulb ka aavishkar Kiya.

    James Watt sabko pata hai sabse pahle bhap ka engine unhone hi banaa tha bhap ka engine banane se pahle James Watt ne bhi kafi galtiyan ki lekin unhone apna rasta nahin chhoda .Ek bar ki baat hai jab vah ek bartan mein pani ubal rahe the aur usi per rakhi plate garam pani ki vajah se baar baar upar uth rahi thi.yah dekh kar James Watt ke dimag mein bhap se chalne wala engine ka khayal aaya lekin yah Khyal aate hi ekadam engine nahin ban gaya tha waqt laga tha use waqt ke dauran kafi galtiyan hui thi lekin galtiyon ki vajah se vo nahin ruke unhone Jo socha vah karke dikhaya

    Aise kai udaharan hai hamare ghar per hi roj mein use hone wali Jaise cycle jiska aavishkar Karl Drais ne kiya tha aur hamare ghar mein pressure kukar Jo hamari roj ki jarurat mein shamil hai uska aavishkar Denis Papin ne kiya tha.

    Mera kahana yah hai ki koi bhi Insan bina galti kiye pahli bar mein hi success nahin ho pata waqt lagta hai kuchh vyakti kuchh vyakti jaldi hi haar maan lete hain per kuchh vyakti datte rehte hain samasya yah hai galtiyon ki dar se Insan aage nahin badhta bahut kuchh kar sakta hai lekin sirf galtiyan ma ho jaaye is dar se kuchh nahin karta hai.

    Agar aap roj ek Chhota kadam apni Manjil ki or chalte hain to kuchh samay bad jab aap dekhenge to aap kuchh bada bhi kar lenge lekin kuchh samay lagta hai aur kuchh galtiyan bhi hoti hai isliye is dar se na baithe rahe balki kuchh karna chahie kahate hain jisne kabhi Koi galti nahin ki usne kabhi kuch karne ki nahin sochi vah maidan mein nahin nikala aur man mein hi haar ki baith gaya

    Ek Insan ko seekhane ke liye bhari samasyaon se nahin ladna balki use apne andar ki samasyaon se ladna hoga khud ko kam nahin samajhna balki aap kar sakte ho khud ko hosla dena hai aur aage badhana hai

    Aage badhane ke liye motivate hona chahie aapke jivan mein chhota hi sahi per aapke liye laksh hona chahie jisko pana aapki jid ho kuchh bhi ho sakta hai Jaise mujhe rojana subah tehalne ke liye nikalna hai, jaise ki main roj apne kaam ko samay per karunga jaise ki mujhe exercise karni hai chotte chotte lakshay hone chahiye jinhen aap pa sakte hain aur dekhenge ki inhen aapane kitni aasani se thodi galtiyon ke sath hi pa liya isliye galti karne se daro mat aage badho

    Galtiyon se sikhana chahie agar aapse kuchh galat ho jata hai to dar kar chup mat baitho balki use galti ko swikar karo aur use galti se ek naya savak lo galti karna badi baat nahin hai balki galtiyon ke bad aur galtiyan karte jaana aur unhen kabhi swikar na Karen yahi sabse badi galti hai isliye aap acche karya karne ke liye galtiyan karne se daro mat.

    Doston yah tha mera blog mere blog aapko acche lagte hain to aap mujhe comment karna thank you.