Matr 15 dinon ke andar chauthi baar idhan ke daam bade hain Jo ki mahangai ko badhane ka kaam kar raha hai aur is sab mein aam Insan pis raha hai. Badhati mahangai se aam Insan ki nind kharab ho chuki hai.
Yah to ham acche tarike se jante hain ki Idhen ke daam badhne mein Iraan aur America ka yudh aur Hourmuj badi vajah hain yah vajah koi chhoti vajah nahin hai yah Vaishvik vajah hai aur jiska samadhan jaldi hi dhundhna hoga.
11 din ke andar chouthi baar petrol ke daam bade hain aur is per vitt mantri ne sanket diya hai ki abhi daam aur badh sakte hain.
Paschimi Asia yuddh aur uske karan aur Hourmuj jaldamrumadhya band hone se kacche tel ki vaishavik kimaton mein 50% ki vriddhi ho chuki hai iska asar hamare Bharat desh per bhi pada hai lekin chauthi bar petrol diesel ka daam badna aam aadami ko pareshan karne ka bahut bada karan hai.
America aur Iran ke bich tanab kam hone ki ummidon ke chalte kacche tel ki kimat main kuchh giravat aagai hai lekin filhal upbhoktaon ko rahat milegi ismein kuchh kaha nahin ja sakta aur sthiti ki ek sabse badi vajah yuddh hai. Ismein koi shak nahin hai.
Is bich electric vahan aur sarvjanik parivahan kafi prachalit hua hai aur bada hai jo ki paryavaran ke liye faydemand hai aur petrol diesel ke bade damon ki vajah se bhi ise badhava mila hai.
lekin fir bhi is sthiti se nipatne ke liye Sarkar ko kuchh karna chahiye jo ki aam Janata ke hit mein ho aur mahangai se bache kuchh aise tarike apnane honge.
Sumit-Aakhir tujhe kya jarurat thi apne pass rakhe hue ₹200 nimbu aur mirch me kharch karne ki na hi nimbu mirch kharide kisi ne aur na hi hamara kuchh fayda hua. hansi udi alag se.
Sunil-Chal kuchh khate hain mujhe to bahut tej bhookh lag rahi hai. Sumit -mujhe kuchh nahin khana vaise hi aaj bahut kuchh kha liya hai.
Sunil-Itna dimag kharab karne wali baat kya hai ismein aur fir kya mang kar hi khate rahe jindagi bhar kuchh karna nahin hai aage. Mujhe nimbu mirch kharidne ka vichar aaya to maine kharid laya aur yah kisne kaha tujhe ki mujhe fayda nahin hua.
Sumit-kya kah raha hai bhai fayda hua kaise kab mere samne to Jhulelal halvai ne tujhe ₹200 nimbu aur mirch ke 280 rupaye diye₹80 hi to tujhe fayde mein mile kya isko fayda kahate jain to bhi yaar kya sochta hai fayda hua .
Sunil-Maine kab tujhse kaha tha ki nimbu mirch ₹200 ke aaye hain.
summit-matlab kya hai tera subah tune kaha tha na ki tere pass ₹200 hain aur fir Jhulelal ki dukaan per bhi tune kaha ki nimbu mirch₹200 ke hain.
Sunil -Jo nimbu aur mirch laya tha vah sirf ₹100 ke the aur maine socha badi sabji mandi mein ki jab mere yah ₹100 ki nimbu mirch bik jaenge tab kal fir main kuchh aur jyada nimbu mirchi lekar jaunga ab bata mujhe 180 rupaye ka fayda hua ya sirf ₹80 ka
Sumit-tabhi main kahun ki tere chehre per itni muskurahat kyon hai aap samajh aaya. To ye baat thi.
Donon dost hanste hue apni jhopadi ki taraf ja rahe the aaj ka pahla din unka thoda sa bura aur tajurbedaar raha per aaj ke din ki sikh donon doston ki alag -alag jagah ek dost mandi mein se apne aadhe rupaye ke nimbu mirch khareed kar laya aur ek dusra dost mandi mein sabji ki dukaan banane ke liye sangharsh kar raha tha. Jivan ke paath vah acchi tarike se padh rahe the.
Aaj ki bematlab ki duniya mein har vyakti sirf apna matlab nikalna chahta hai aur apna kaam banana chahta hai . Kaam nikalne ke baad vahi vyakti matlabi ho jata hai khud ko samay per mile ahsaan ko bhula deta hai aur apne kaam mein aaye hue vyaktiyon ko bhi najarandaaz karta hai aur in logon ki vajeh se pata chalta hai ki duniya mein kitne matlabi log hain.
Samay ke saath har vyakti ko chalak aur chatur banna chahiye aur har waqt har kisi ke liye uplabdh nahin rahana chahiye aur na hi kisi se be fijul ki baat karni chahiye.
Samajhdari
Har kisi vyakti se dosti nahin karni chahie kyunki koi vyakti jo ki sidha sadharan lag raha hai jaruri nahin ki vah vaisa hi ho .Ho sakta hai veh koi fayda uthana chahta ho .Isliye kisi se dosti banane se pahle samajhdari ke saath aage badhana chahiye aur uski har baat ka jawab samajhdari ke sath dena chahiye kyunki aaj ka jamana samjhdaar logon ka hai bevkoof logo ka nahin.
Nakaratmak logon se dur rahana
Jaruri nahin hai ki aap ke dost ki ginti jyada hi ho aur har waqt doston ke bich mein rahe . Kuchh waqt aap apna akele mein bhi bitaen aur khud per bhi dhyan de aur dekhen ki aapke sath rahane wale doston mein jo nakaratmak soch rakhte hain unse duri banakar rakhni hai kyunki aise vyakti aapko bhi jivan ke prati nakaratmak soch denge .
Vyaktigate Jivan
Apne vyaktigat jivan ki vyaktigat baton ko har kisi ko na bataen jaise ki aapka kahin jana aapka kisi naye kaam ko shuru karna ya fir jivan se Judi kisi bhi pareshani ko ya bhavishya me aane wali khushiyan har kisi ko batane ki jarurat nahin hoti hai jitna aap apne jivan ki mukhya baton ko vyaktigat rakhenge aap utna hi khush aur positive rahoge.
Aisi kai choti choti baat hoti hain jo aapko samay ke saath chalna aur samay ke saath viyabharik banayega
Badlte samay ne hamko aage badhane ke naye raste dikhaaye hain to samay ke saath badlta Insaan bhi dekhne ko mil raha hai.
Yahan ham baat kar rahe hain grahani ki jo ki ghar ko sambhalti hai aur apne grahani hone ki jimmedari ko kushalta ke saath nibhaana janti hai.Grahani ke kai roop hote hain Kaha jaaye to parivar ki Jaan hoti hai grahani aur lagbhag sabhi parivar mein grahani sabse pahle uthati hai kyunki uski jimmedaariyan kafi hoti hai.
Grahni ke anekon roop
Ghar mein kai kaam hote hain jinhen ek grahani samajhdari ke saath sahi samay per pure karti hai aur apne parivar ko khush rakhti hai.
Maa ka Roop
Har ghar ek parivar se hota hai aur parivar mein bacche bhi hote hain bacchon ki jimmedari pure din ki hoti hai bachha apni maa per hi nirbhar rahata hai kyunki maa uski sari jarurat on ko pura karti hai samay per jaise ki bacchon ko nahlana ,khana khilana samay per sulana aur unhen acchi sikh dena ek grahani ka hi kartavya hota hai.
Kitchen sambhalna
Har grahani ke din ki shuruaat kitchen mein khana pakane se hi hoti hai subah ke naaste se lekar raat ke khane tak ki jimmedari grahani per hi hoti hai.
Ghar ki saaf Safai
Ghar ki saaf safai bhi ek bahut bada kaam hai Jaise ki jhadu pahuncha karna ghar ke kone- kone ki safai karna grahani ka hi kaam hota hai .Ghar ki saaf safai hone se ghar saaf suthra dikhta hai yah grahani acche tarike se janti hai kyunki ghar ek mandir hota hai.
kharidari karna
Ghar ki aurat ko kitchen ke masale,sabji se lekar ghar ki or aur bhi jarurat ke samaan ki aur tyoharon ki kharidari karni padati hai.
Ek aurat jo ki gahani hoti hai vah apne parivar ki sari jarurat ka kaam karti hai aur apne parivar ko khush rakhti hai in sab ke alava bhi uski aur bhi Kai chhote bade kaam hote hain jaise kapde dhona, kapdon per stree karna.
Aaj ke samay mein har vyakti apne se aage chal rahe vyakti se khud ki tulna kar raha hai khud se nafrat kar raha hai aisa kyon aur faltu ki pareshaniyon mein ghira rahata hai.
Aaj ke samay mein har vyakti high lifestyle apnana chahta hai aur vyakti jis sthiti mein rahata hai use sthiti ko kyon swikar nahin karta aur dusre vyakti ko dekhkar uske jaisa banna chahta hai.Vyakti samaj mein Khade hokar bada gyan deta hai ki ham to bahut khush hain jabki yah sarasar jhooth hota hai
Iska asar parivar mein ,society mein ,aas pados mein dekh kar bacchon per bhi pad raha hai aur bacche apne maa baap se dusre bacchon ke jaisa hi sab kuchh lena chahte hain jabki unke pass jo bhi kuchh hai bahut achcha hai . Yah baat Jara si hai lekin bacchon ko yah chij pne hi ghar parivar se aur padosan se milti hai .
Har parivar mein ,har samaj mein ,apne pass pados mein, friend circle mein yahan tak ki kaam kar rahe employees mein bhi yahi samasya hai yani yah samasya har varg ke vyakti on mein hai.
Jab tak ham apni sthiti ko pure man se swikar nahin karenge tab tak ham har waqt kuchh pane ki talash mein rahenge aur dukhi rahenge yah Jo kuchh bhi hamare pass hai usi mein khush rahane ki aadat daalnichahie
Kyunki Insaan ki fitrat hai ki use kuchh naya har waqt chahiye isliye hamen khud per control karna hoga
Kehane ko yah baat chhoti hai per ye Jara si baat har waqt dimag mein ek kide ki tarah har pal hamare dimag mein rengti rahti hai aur hamen Khush nahin rehane deti.
Is samasya ke samadhan ke liye hamen jyada faltu ki baat i sochne se bachana chahie aur khud ko khush rakhna chahiye halanki yah bahut mushkil jai lekin asambhav nahin hai agar aap chaho to.
Raat ko barish aur subah tej garmi har koi garmi se pareshan tha lekin kaam bhi karna hai. Sabji mandi mein Sumit apni jagah banaa raha tha aur aaspaas ke sabji vikreta fal vikreta aise dekh rahe the Jaise ki usne kisi ka khoon kar diya ho.
Subah ke 11 baj chuke the aur chhoti sabji mandi mein grahak aa rahe the.Aur Sumit baitha hua bor ho raha tha aur man hi man Sunil ko pata nahin kya kya keh raha tha sach kaha hai kisi ne intezar bahut bura hota hai aur Sumit intezar kar raha tha.
Chhoti sabji mandi mein Sumit road ki taraf dekh raha tha ki thodi der baad Sunil aata hua dikha to Sumit ko thodi khushi hui .
Sunil ke hath mein ek plastic ka thela tha aur use dekhkar aisa lag raha tha ki Sunil sabji nahin laya hai Sumit ne kaha kya hua bhai sabji nahin mili .Sunil ne kaha laya to hun dikh nahin raha hai mere hath mein ye thaila kahate hue Sunil ne thaila Sumit ko de diya Sumit ne sabji nikaali to usmein sirf nimbu aur mirch hi the.
Aaspaas ke sabhi sabji vikreta dekh dekh kar ke bade hans rahe the ki dekho to sahi kya dukaan hai 1-2 kilo nimbu aur 1-2 kilo mirch kya yahi sabji ki dukaan lagaenge.
Sumit ko gussa a raha tha usne kaha kya bhai kya sabji lae ho to Sunil ne kaha halki awaaz mein tujhe to pata hai na mere pass sirf ₹200 the ₹200 mein jo aaega vahi to launga
Aur rahi baat hansi ki to hamen dusron se kya matlab humein to apni sabji ki dukaan chalani hai aur aaj hamara pahla din aur apna pahla din hamen kharab nahin karna.
Puri dopahar nikal gai lekin Sumit aur Sunil ki dukaan se kisi ne bhi nimbu aur mirch nahin liya Sumit bahut pareshan tha ki Jeb bhi Khali aur kuchh aaj hua bhi nahin isase achcha to ham mang kar late vahi kam karte hain Sunil ne kaha kab tak mang kar khaoge hamen kuchh kaam bhi karna chahiye
Sunil ne kaha 1-2 ghante aur dekhte hain agar hamari dukaan se koi nimbu aur mirch nahin lega to koi baat nahin hai ham Jhulelal ki dukaan per jaenge aur apne nbu mirch usko bechenge.
Sumit ne kya kah rahe ho bhai Jhulelal humse nimbu mirch lega
Sham hui aur jaise ki Sunil ne kaha tha Sumit ne vaise hi kiya sare nibu mirch ko thaile mein bhar liya aur donon Jhulelal halwai ki dukaan ki tarah chal diye.
Jhulelal halwai ko Sunil aur Sumit ki baat sunkar pahle to bahut hansi aagai aur fir kaha ki main halvai ki dukaan chalata hun sabji ki nahin Jo tum ye nibu mirch mere pass lekar a gaye ho
Sunil me kaha mujhe pata hai aapki halvai ki dukaan hai lekin aapko nimbu aur mirch ki jarurat padati hai ye mujhe pata hai aap roj lekar aate ho agar aap in nibu mirch ko lete ho to aap apne hisab se Inka daam laga sakte ho.
Jhulelal ne soch kar kaha ki theek hai to main tumhen₹250 de sakta hun kyunki ₹200 ka tum saman lae ho yah tumne kaha hai aur is tarah tumhara ₹50 ka fayda ho jaega.
Sunil me kaha 280 rupaye agar de dete to achcha rahata per aapki marji hai . Jhulelal me usko 280 rupaye diye aur kaha aainda se mere pass sabji lekar mat aana.
Sumit aur Sunil hare thake apne ghar ki taraf chal diye .Saam ho chuki thi.
Do Dost( part 1.) mein aapane padha tha do ladke jo ki garibi ki maar jhel rahe the aur uske bad bhi vah Khush rah rahe the Iske aage ki kahani
Subah ho chuki thi aur Sunil jag gaya tha aur fir usne socha ki jhopadi ki marmmat acchi tarah kar di jaaye aur yah sochkar jhopadi ki marmmat karne lag gaya lekin dusra dost Sumit abhi jagah nahin tha.
Ghante do ghante ki mashakkat ke baad jhopadi ki marmmat ho chuki thi parantu Sumit abhi jaga nahin tha
Jhopadi ke andar jakar Sunil ne Sumit ko jagaya aur kaha ki chalo kuchh kaam dhundhte hain ye sunte hi Sumit ne kaha ki kaam kahan dhundhenge.
Sunil ne kaha pahle to Jhulelal ki dukaan per mast kachaudiyaon ka nashta karenge uske baad mere pass ek plan hai vah main tumhen baad mein bataunga.
Jhulelal kachori wale ka naam sunte hi Sumit ke munh mein pani a gaya aur kaha ki bhai nashte ke rupaye lagte hain pata hai na.
Sunil ne kaha ki haa pata hai bhai kya tumhare pass ₹50 nahin hai mujhe to laga tha ki tumhare pass hai.
Sumit bola achcha to yah baat hai chalo koi baat nahin aaj ka nashta meri taraf se.
Jhulelal halvai ki dukaan se nashta karke Sunil aur Sumit bahut khush the.
Sunil ne Sumit ko aage ki planning bataya aur kahan ki mere pass ₹200 hain aur main badi sabji mandi jakar sabji launga aur chhoti sabji mandi mein ham aaj apni sabji ki dukaan lagaenge.
Sumit ne kaha bhai apni dukaan chalegi.
Sunil ne kaha kyon nahin chalegi main jab tak badi sabji mandi jakar kuchh sabji lata hun tum Jab tak chhoti mandi mein apni dukaan ke liye plastic ki bori bhichaker jagah banao yah kahkar Sunil chal diya.
Chhoti mandi mein Sumit plastic ki bori bichhakar apne liye dukaan laga raha tha ki tabhi ek kele ke fal ke thele wala aaya aur Sumit se kaha yah meri jagah hai hat jao yahan se.
Sumit bhi kam nahin tha usne vahi per thodi dur khade aur sabji le rahe thanedar se kaha ki sar ji dekhie ye mujhe apni dukaan nahin lagane de raha thanedar unke pass aaya aur bola kya mamla hai kele wala aur Sumit donon apni apni baat thanedar ko batane lage.
Thanedar ne kaha dukaan lagane ka kiraya lagta hai isliye jiske pass yahan dene ke liye kiraya ho to yahan per dukaan laga sakta hai is per kele wala aur Sumit donon ne kaha ki ham kiraya denge to thanedar ne kaha aisa karo ya jagah bahut hai tum donon apni -apni dukaan laga sakte ho.
Kya Sunil sabji lekar aaega kya unki dukaan chalegi aur kaisa jaega aaj ka din unke liye yah ham agali kahani mein padenge.
Andheri raat ho rahi thi aur tej barish ho rahi thi aur door tak koi nahin dikhai de raha tha yah barish lagatar pichhle do dinon se ho rahi thi jis karan shahar mein jagah jagah pani bhar gaya tha .
Do bacche jo ki lagbhag 10-12 saal ki umra ke the .Dono ladke apne kandhe per thela tange hue aur barish se bachne ke liye sar per plastic ki bori dale hue the barish se khud Ko bachate hue sadak kinare ek dukaan ke aage baithe gye unke chehre per chinta thi.
Halanki inki halat dekhkar hi mahsus ho raha tha ye yah bacche garib bacche the jinke sar pe na koi chat thi aur parivar ke naam per bhi inke pass sayed ek dusre ka saath hi tha.
Kuchh der baad Jab barish halki ho gai tabhi donon ladke uthe aur apne ghar ki taraf chal diye . Lagbhag 10 minut ka rasta tay karne ke baad ek jhopadi ke samne ruk gai jhopadi jiski halat bahut hi kharab thi aur barish ki vajah se bilkul hi jarjar ho gai thi.
Donon ladke udaasi ke sath dekh rahe the aur fir thodi der baad sust kadmon se aage badhe aur jhopadi ki marmmat karne lage kyunki vahi jhopadi unka aashiyana thi .
Jhopadi ki thodi marmmat karke donon dost jhopadi mein andar ghus gaye aur baithkar apne sath laye thelon ko dekhne lage aur thele mein se jhutha baccha kucha khana nikaalne lage jo ki vah mang kar laye the.
Donon dost apne apne laye hue khane mein se ek dusre ko bant rahe the aur bade pyar se kha rahe the kyunki bhookh bahut Jor ki lagi hui thi aur khaate khaate jaane kis baat per bahut jor se hansne lage yah bacche apni garibi mein bhi bade aaram se rah rahe the
Inke liye jhopadi mehlon se kam nahin thi aur jo khana kha rahe the vo khana chhappan bhog se kam nahin tha.
Is saal hindi ke mahinon mein adhik Maas bhi hai jo ki ab shuru ho chuka hai aur saath hi garmi bhi badhati ja rahi hai aur is saal barish hone ke asar bhi kam bataye ja rahe hain.
Badati garmi se har Insaan is waqt pareshan hai aur raste per chalne wale vyakti bhi Jab kuchh der therna chahte hain to sabse pahle vah ek ped dekhte hain aur fir ped ki chhaon mein thodi der rukte hain.
badati garmi ki vajah kai hain ismein se ek badi vajah paryavaran hai jo ki ham insanon dwara kharab kiya gaya hai aur dusri vajah bewajah pedon ki katai bhi hai.
Hamen is garmi se bachne ke upay bhi samajhne chahiye .Ye upaye kuchh bade nahin hote hain balki Jara Jara si savdhaniyan hi hamen is garmi se bacha sakti hain.
Pani
Yun to ham sab jante hain ki hamare sharir mein pani mahatvpurn hota hai aur Pani ki kami ho jaane per hamen chakkar Jaise aane lagte hain isliye hamen apne sharir mein Pani ki kami nahin hone deni chahiye aur har ghante par hamen Pani peete rahana chahiye .
sada bhojan
Garmi ke dinon mein hamara bhojan sada hi hona chaahiye jaise ki khichdi daliya hamen din mein ek baar aisa patla bhojan khana chahiye jisse ki hamara pet bhari na ho aur bhojan pach jaaye. In dinon tala bhuna khane se bhi bachna chahiye.
Puri baju ke kapde
Agar aapko bahar kahin jaane ki jarurat pad rahi hai to hamesha bahar nikalte waqt halke rang ke aur puri baju ke kapde jo ki aap ke sharir ko dhakte hain pahnane chahiye aur saath mein ek safi ya fir dupatta lekar chalna chahie jisse ki aap garmi mein ise sar per dalkar odd sake aur garmi se bach sake saath mein ek Pani ki botal bhi lekar chalna chahiye.
Garmi se bachne ke kafi upay hain aur aap in tariko ko apnate hain to aapke liye faydemand rahenge aur aap garmi se bache rahenge.
Conclusion
Garmiyon mein hamen bachne ke chote upay apnane chahiye jaise ki hamen samay samay per pani peete rahana chahie aur hamen bhojan bhi halka aur patla bhojan lena chahie Jaise ki daliya khichdi hamen tale bhune bhojan se bachana chahiye aur bahar nikalte waqt puri baju ke kapde pahnane chahie aur saath mein ek suti dupatta bhi rakhna chahiye bahar nikalte waqt hamesha ek botal pani bhi rakhna chahiye.
Jeth mahine ke krishn paksh mein padhne wali amavasya ko striyan vat savitri vrat katha ko sunti Hhai aur is din ko bargadi amavasya bhi kaha jata hai.
Bargardi Amavasya
Jeth mahine mein padane wali krishna paksh main padhne wali amavasya ko bargadi amavasya kaha jata hai aur vat savitri amavasya bhi kaha jata hai.
Vrat palan
Is din suhagan striyan apne pati ki dirghayu ke liye vrat ka palan karti jain suhagan striyan subah uthkar naha dhokar aur puri pakvan banakar solah singar karke taiyar hoti hain.
Vargad ke niche Katha sunna
Bargad ke vruksh ke niche striyan ekattha hokar savitri vrat ki katha sunto hain bargad ke charon or chakkar lagate hua soot ka dhaaga badhate hue man hi man apne pati ki dirghayu ki kamna karti hain.
Savitri vrat katha
Savitri vrat katha jo ki is prakar hai prachin kaal mein Savitri naam ki ek Rajkumari thi jiska vivah Satyavan namak yuvak se hua tha.
Satyavan joki vivah ke 1 varsh baad hi swarg sidhar jaega aisa kaha jata tha is karan Savitri dukhi raha karti thi.
Shaadi ke 1 varsh baad Jab ek din Satyavan ped se lakdiyan kaat raha tha to achanak uski tabiyat kharab ho gai aur vah murchit hokar dharti per gir pada aur tabhi Yamraj ji Satyavan ke pran lene a gaye.
Savitri ne Yamraj ko Satyavan ke pran le jaate dekha to Savitri bhi Yamraj ke piche piche rote hue chal di Yamraj ne piche mud kar dekha aur Savitri ko lautane ko kaha per Savitri nahin mani aur mujhe bhi apne Sath le chalo yah kahkar Yamraj ke piche piche chalne lagi .
Yamraj ne Savitri ko teen vardan mangne ko kaha jisse Savitri lalach mein a jaaye per Savitri bahut hi samajhdar thi usne pahle vardan mein apne Saas sasur ko dikhne lage aur unhen rajya mil jaaye aisa manga aur dusre vardan mein apne mata pita ke sukh ke baare mein manga yah kahte kahate Savitri ne teesre vardan mein apne liye akhand saubhagyavati hone ka vardan manga aur Yamraj Ji ne bhi picha chhudaane ke liye Savitri ko akhand saubhagyvati ka vardan fe diya aur fir bhi vah Satyavan ko le jaane lage to Savitri ne kaha ki Yamraj ji ab aap mere pati ko kaise le Ja sakte hain aapane khud mujhe akhand saubhagyavati hone ka vardan diya hai yeh sunte hi Yamraj ji Savitri ki chaal samajh gaye aur muskurane lage.Yamraj ji ko Satyavan ke pran lautane pade is prakar Savitri Main apne pati ko punarjivit kar liya aur is tarah Savitri vrat katha hoti hai.
