Category: Article

Is saal hindi ke mahinon mein adhik Maas bhi hai jo ki ab shuru ho chuka hai aur saath hi garmi bhi badhati ja rahi hai aur is saal barish hone ke asar bhi kam bataye ja rahe hain.

Badati garmi se har Insaan is waqt pareshan hai aur raste per chalne wale vyakti bhi Jab kuchh der therna chahte hain to sabse pahle vah ek ped dekhte hain aur fir ped ki chhaon mein thodi der rukte hain.

badati garmi ki vajah kai hain ismein se ek badi vajah paryavaran hai jo ki ham insanon dwara kharab kiya gaya hai aur dusri vajah bewajah pedon ki katai bhi hai.

Hamen is garmi se bachne ke upay bhi samajhne chahiye .Ye upaye kuchh bade nahin hote hain balki Jara Jara si savdhaniyan hi hamen is garmi se bacha sakti hain.

Pani

Yun to ham sab jante hain ki hamare sharir mein pani mahatvpurn hota hai aur Pani ki kami ho jaane per hamen chakkar Jaise aane lagte hain isliye hamen apne sharir mein Pani ki kami nahin hone deni chahiye aur har ghante par hamen Pani peete rahana chahiye .

sada bhojan

Garmi ke dinon mein hamara bhojan sada hi hona chaahiye jaise ki khichdi daliya hamen din mein ek baar aisa patla bhojan khana chahiye jisse ki hamara pet bhari na ho aur bhojan pach jaaye. In dinon tala bhuna khane se bhi bachna chahiye.

Puri baju ke kapde

Agar aapko bahar kahin jaane ki jarurat pad rahi hai to hamesha bahar nikalte waqt halke rang ke aur puri baju ke kapde jo ki aap ke sharir ko dhakte hain pahnane chahiye aur saath mein ek safi ya fir dupatta lekar chalna chahie jisse ki aap garmi mein ise sar per dalkar odd sake aur garmi se bach sake saath mein ek Pani ki botal bhi lekar chalna chahiye.

Garmi se bachne ke kafi upay hain aur aap in tariko ko apnate hain to aapke liye faydemand rahenge aur aap garmi se bache rahenge.

Conclusion

Garmiyon mein hamen bachne ke chote upay apnane chahiye jaise ki hamen samay samay per pani peete rahana chahie aur hamen bhojan bhi halka aur patla bhojan lena chahie Jaise ki daliya khichdi hamen tale bhune bhojan se bachana chahiye aur bahar nikalte waqt puri baju ke kapde pahnane chahie aur saath mein ek suti dupatta bhi rakhna chahiye bahar nikalte waqt hamesha ek botal pani bhi rakhna chahiye.

kuchh din pahle hi( 3 may 2026)bacche apna NEET ka paper deke nikale aur Pariksha ke kuchh samay baad hi pata chala neet paper leak ho chuka hai.

Aisa kyon hota hai bacche apne bhavishya ko Ujjwal banane ke liye kuchh karne ke liye NEET paper ki taiyari karte hain mehnat aur lagan ke saath per Jab baad mein pata chalta hai ki paper leak ho chuka hai to unhen kitni nirasha milati hai.

Neet paper Jo leak hua hai kya usme prashasan ki koi galti nahin hai kya koi jimmedari nahin hai prashasan ki Iske prati yah sab pahli bar nahin hua hai isase pahle bhi chatr pariksha dekar aaye aur pata chala ki pariksha radd ho gayi .

Pariksha se 48 ghante pahle hi mobile per viral hua tha guess paper aisa( nta) ke mahanideshak Abhishek Singh ka kahana hai.

Halaki Rashtriy Pariksha Agency(nta) ne nakami ko swikar kiya hai aur kaha hai ki pariksha jaldi hi dobara karai jaayengi aur nai tarikh ka bhi bataya jaega is neet pariksha mein 22.79 vidyarthi ne pariksha di thi.

Leak hui neet pariksha se pata chala hai ki saat rajyon mein private mafia ke naam se WhatsApp group per chatting hui thi aur is mein 400 log Jude hue bataiye gaye hain paper ko 10 lakh mein kharida gaya tha aur 15 lakh mein becha gaya tha.

Paper leak mamle mein CBI ne jaanch ko aage badhaya hai aur kai jagah chhape mare hain aur kuchh logon ko pakda bhi hai.

Paper leak mamla saat rajyon se judta hua dikh raha hai aaropiyon ke mobile aur laptop digital upkar le liye hain.

Halanki koshish ki ja rahi hai aur paper leak mamle ke doshi ko pakad liya gaya hai lekin fir bhi Chatr jo Pariksha ki taiyari karte hain mahinon pahle aur jab unke sath is tarah fraud hota hai to unke mansikta per kya asar hota hai yah kisi ne socha hai.

Bhavishya ke sapne sanjoy hue Khush hokar mehnat aur lagan ke saath ek chatr pariksha deta hai aur vahin dusri taraf kuchh raees log apna dirty game khel jaate hain halanki baad mein unhen bhi kuchh nahin milta lekin aise log pure pariksha ke karykram ko kharab kar dete hain chhatron ka samay kharab ho jata hai.

NEET paper dobara ho per iski kya guarantee hai ki fir se bacche pure vishwas ke saath paper denge.

Yahan galti kisi ek vyakti ki nahin hai balki pure system ki hai kyunki system mein Jab tak koi kharab vyakti hoga tab tak yah hota rahega isliye pahle system ko theek karna hoga jisse badi pariksha radd na ho aur chhatron ko bhi nirasha na mile..

Is samay desh mein America Israel ke Iran se yuddh ke karan petrol diesel ka sankat paida hua hai use lekar desh mein Janata se PM Modi ne petrol diesel ki khapat per dhyan dene ko kaha hai aur petrol diesel ke upyog per syiam rakhne a ko bhi kaha hai. PM Modi ne Jo appeal desh se ki hai ham deshvasiyon ko bhi is petrol diesel ke sankat kaal mein. gambhirta se dhyan dena chahiye aur petrol diesel ki khapat per dhyan dene ki jarurat hai.

Covid Niyam

Is dauran PM Modi ne bahut kuchh Corona Kaal mein apnay gaye niyam ko apnane ke liye kaha hai Jaise ki work from home, Video caunfrasing call aur online classes chalai jaaye isse bhi hamen fayda hoga. Dur desh shadiyon ke karykram Se bachen

Videshi Mudra Bachaye

PM Modi ne kaha hai videsh yatra bhi ho sake to radd karen is jagah gharelu paryatan ko mahatva den yahan tak ki shadiyon ke liye videshi location chunane ke badle gharelu paryatan ko chunkar badhava den

Apne desh ki utpadit vastuon ko hi kharide gharelu istemal ke liye bhi jaise ki shoos, Bag swadeshi hi le.

PM Modi ki is appeal se nagrik ghabra gaye hain aur is waqt unhen ghabrane ki jarurat nahin hai balki shanti se dhairya ke saath sarkar ki is appeal mein sarkar ko sahyog den.

Bharat ke pass petrol diesel ke bade bhandar nahin hai .Bharat ko petrol diesel aur gas dusre desh se ayat karna padta hai jo ki America Israel ke Iran se yuddh ke chalte samasya hui hain isliye nagrikon ghabraye ki jarurat nahin hai is sankat kaal se bahar nikalne mein thoda waqt lagega. Kahate hain har andheri raat ke baad savera jarur hota hai aur ummid per duniya Kayam hai.

Kisi bhi samasya ka samadhan milane mein thoda waqt lagta hai yah sab ham acche tarike se jante hain to is sankatgrast waqt mein hamen bhi petrol diesel ke gas ke fijul kharche se bachana chahiye aur Covid Jaise niyam apnane chahiye .

Mother’s Day ek hi din hona chahie mothers ke liye lekin Maa to pure saal apne bacchon ke liye hajir rahti hai Maa har parivar mein hoti hai aur parivar ki Jaan hoti hai .

Ek aurat kyon apne munh ka nivala tak bacche ko de deti hai kyunki vah Maa hoti hai aur Maa aisi hi hoti hai .

Kahate hain Bhagwan har jagah nahin a sakte the to unhone Maa ko banaya har parivar mein aur Bhagwan ne apna roop har Maa mein diya .

Ek bacche ka lalan palan ek Maa se behtar koi nahin kar sakta dhup hoti hai to Maa apne aanchal se bacche ke sar per chhaon ker deti hai aisi hoti hai Maa.

Bhagwan ki chhavi

Maa ko Bhagwan ki chhavi mana gaya hai ek aurat apne bacche ke liye sab kuchh karti hai jisse ki vah apne bacche ko ek achcha jivan de sake Maa apne bacche ki rakshak hoti hain aur Jarurat padhne per har sthiti se ladti hai. haar nahin manati.

Maa ka Aanchal

Maa ke aanchal mein Jo sukun milta hai vah kahin nahin milta Chhota baccha jab thak haar jaata hai aur Maa ke aanchal mein sota hai to uski sari thakan Maa ke aanchal se mit jaati hai.

Jin bacchon ke sar per Maa ka aanchal hota hai unhen kisi bhi pareshani se darne ki jarurat nahin hoti kyunki unke saath Maa ka saath jo hai.

Pahli shikshak

Maa ko bacche ki pahli shikshak bataya gaya hai kyunki maa bacche mein lalan palan ke saath vyavhar ka bhi poshan deti hai jisse ki baccha achcha aacaharn seekh sake aur vyavaharik ban sake Maa bacche ko acche bure ki samajh bhi deti hai.

Grahasth Maa

Pita jab karmakar ghar late hain pita dwara laye gaye kamai se grahasth Maa ghar ko sucharu roop se chalati hai aur pure parivar aur bacchon ko parivar ki jarurat ki sari jarurat on ko jisse ki parivar mein Khushi bani rahe.

Conclusion

Bin Maa ke parivar adhura hota hai ek maa apne bacche ko uske lalan palan se lekar uske bade hone tak aur ek acche bhavishya ko banane tak sangharsh karti hai aur apne bacche ko saath deti hai vah har jimmedari ko ek acche nayak ke roop mein nibhati hai Jaise bin maali ke bagicha adhura hota hai is prakar ek Maa ke bina parivar adhura rahata hai Maa ek sukhi parivar ki neev hai .

Vijay Chandrashekhar jinka janm 22 june 1974 ko hua. Dakshin bharat mein Tamil ke superstar jinhen ham Vijay aur Thalapathi naam se jante hain.

Sabse adhik vetan pane wale abhi netaon mein se ek hain Vijay ,Thalapathi bachpan se hi bal kalakar ke roop mein filmon mein kam kiya aur teen dashak tak dakshin bharat ke filmi Jagat mein apni jagah banai.

Abhineta Vijay ne lagbhag 70 filmon mein kaam kiya aur naam bhi khoob kamaya aur 2024 mein filmi Jagat se vida li

2024 mein filmi Jagat ko alvida kahkar Vijay, Thalapathi ne politics mein entry ki aur (TVK) naam se party banai aur 2026 mein vidhansabha chunav mein khade hokar Jeet bhi hasil ki Vijay ke liye yah bahut badi baat hai aur bahut badi Jeet hai .

Mindset

Kisi bhi ladai ko ladne ke liye sabse pahle mind set banana padta hai aur yah Vijay ne karke dikhaya unhone Tamilnadu mein dashak on se satta. chala rahe donon Dravid rajnitik dalon ko harakar apne jeet ka parcham lahra diya.

Thalapathi ke pradarshan mein (TVK) Drumuk ki party ko jad se ukhadne ke liye prabhavi dhang se netrutva kiya.

Abhineta Vijay ki vidhansabha chunav mein jeet se rajniti mein bade se bade rajnitik ko hairan kar diya aur pure rajniti mein hulchul bhi macha di.

Halanki vidhansabha chunav prachar ke dauran abhineta Vijay jyada nahin dikhe lekin Jab bhi dikhe jordar bhashan diya aur virodhiyon per tikhi tippani bhi ki .

Jeet ke vaade

Chunav mein Jeet ke liye Vijay ki party ne Tamilnadu Janata ke samne apne vaade rakhe .

* Beti ke Vivah ke liye 8 gram sona aur navjat bacchon ko sone ki anguthi dene ka Vada kiya hai.

*60 vars se kam aayu ki mahilaon ko har mahine₹2, 500 dene ka vada kiya.

*Arthik sthiti se garib dulhan ke liye sone ke saath ek Reshmi Sadi dene ka vada kiya.

*Har parivar ko saal mein 6 LPG muft cylinder dene ka vada kiya

Aur bhi aise kai vaade kiye hai jo ki Tamilnadu Janata ko pasand aaye

Aakhirkar vidhansabha chunav mein Vijay Thalapathi ka Jadu chal gaya aur matra 2 saal pahle bani TV K party ne jordar Jeet hasil ki aur dashakon se rajniti kar rahe satta mein pair jamae hue Draumuk dalon ko jad se ukhad fenka.

Vijay ji ne abhineta ke roop mein bhi apni pahchan banakar darshakon ke dilon per raj kiya aur politics mein entry kar vidhansabha chunav Jeet sakhiyan batori aur Jeet ker. Janata ko bhi moh liya

Vidhansabha chunav ka natija a chuka hai aur Bangal mein bhajpa party ka kamal khil chuka hai paschim Bangal mein pichhle 15 saal Mamta ji ka shasan chal raha tha . Lekin Bhajpa ke Jeet ke sath hi 15 saal ka Mamta raj bhi khatm ho chuka hai paschim Bangal ke matdataon ne Bhajpa ko vote dekar bhagava rang ko aur gehra kar diya hai.

Majbut Radniti

Paschim Bangal mein Amit Shah ki majbut Radniti kaam aa gayi. Bhajpa ki ji tod mehnat ne aur chunav se pehle Koi kasar na chhodane ki Radniti kaam a gai aur akhirkar Bangal mein pehli baar paschim Bangal bhagva rang mein ranga aur kamal ka phool khila.

Chunavi Vada

Jaise ki pata hai chunav Jab aate hain to Party apna prachar karti hain aur matdataon Ko loubhane ke vaade bhi karte hain usi prakar paschim Bangal mein Bhajpa sarkar ne vada Kiya ki Bangal mein agar unki sarkar bani to 45 dinon ke andar rajya mein satavan vetan aayog lagu ho jayega berojgaron ko sarkari naukari mein khali jageh bharne ka vaada bhi kiya is tarah matdataon ko ye vaada khoob bhaya.

Prachar ke dauran Amit Shah ne really ki aur jansabha ko sambodhit kiya Bangal me sakratmak roop banay rakha sattadhariyon ki aankhon mein aankh dalkar bevaak batchit karke jawab bhi diya aur aam Janata ke man se dar ko bhagane ka kaam kiya Ismein koi shak nahin hai Ki radniti tay karne mein Amit Shah ka koi jawab nahin hai

Vidhansabha vote ki ginti ke baad Bhajpa ki Jeet tay hote hi aur Bangal ki Janata ke bhagava rang mein rang te hi Modi ji bhi Bangal dhoti pahne hue dikhe aur unke chare per jeet ki khushi saaf najar a rahi thi.

Aakhirkar paschim Bangal mein Bhajpa ki mehnat rang lai aur Mamta raj ke 15 saal ke shasan kal ko khatm kar Kamal ke phool ko khilne se koi nahin rok saka Bangal mein Bhajpa k pehli baar jeet hui hai.

Mamta banarji aur Bangal ki mamta didi vidhansabha chunav jinke liye behad hi dukhad aur nirashajank raha aur is tarah apne hi ghar mein Mamta didi ko shikast mili kisi ka apne hi ghar mein harna bahut badi haar hai Mamta Didi ke liye kyunki Bangal Mamta didi ka ghar aur unki pehchan hai aur Bangal ki beti bhi hai aur didi bhi hain . Bangal ki Janata ne Mamta didi aur Mamta Raj Ko najarandaaz kar diya jisse Mamta ka fir se sarkar banane ka sapna chur -chur ho gaya.

Mamta Didi ke harne ki vajah unka khud par aur apni party par atyadhik vishwas hona kyunki trinamul Sarkar 15 saal se Bangal mein shasan kar rahi thi aur is bar bhi jitne ki ummid thi Lekin vidhansabha chunav ki ginti ne Mamta didi har ka rasta dikha diya Party apni hi kamiyon se haari aur Janata ko Mamta didi Sarkar ki taraf se jo ummid thi us per Mamta ki party khari nahin utri . Iske alava yuva ko rojgaar na milna bhrashtachar ka badna, aaye din bahu betiyo ke saath badsaluki hona kyunki Bangal mein ladkiyon ka jivan safe nahin hai aur aisi bahut si vajah hai jinse Janata ne aakroshit hokar apni narajgi Mamta didi ko apna ummedwar na chunker bataya hai Bangal ki Janata nahin chahti ki Mamta didi ki sarkar fir se kursi per baithe aur tranmuil Congress fir se satta mein aaye.

Bangal mein Mamta ki sarkar ke prati Janata ke dilon mein kya jagah hai janta ne vidhansabha chunav mein vote dekar jawab diya hai aur Mamta raj Ko najarandaaz kar diya hai

Is baar Mamta didi ka Jadu Durga pandal aur jansabha mein yahan tak ki mamta didi ka aam Janata se khulkar milana bhi Janata ko ras nahin aaya.

Mamta raj mein kanoon vyavastha bhi puri tarike se asantulit ho gai yah Bangal ki Janata ne nyaay lete waqt dekha aur is tarah unka Mamta ki sarkar ki prati bharosa khatm ho gaya

Apne Ghar mein Hi Hari

Mamta didi ki vidhansabha chunav mein is baar yah bahut badi haar hai kyunki unki sarkar Bangal mein hari aur khud Mamta didi apne ghar Bhawanipur mein bhi unhen haar ka samna karna pada yah unke liye sabse badi haar hai.

Vote ki ginti ke dauran Mamta ke ghar Bhawanipur per pure desh ki najar thi aur Mamta didi ki najar bhi thi . Mamta ko ye ummid nahin thi ki vah apne hi ghar mein hi haar jaengi.

Aakhirkar Bangal ki Janata ne Mamta didi ke 15 saal ka Mamta raj ko ukhad ke khatm kar diya aur vahan dikha diya ki ab Bangal ki Janata ko Mamta didi ki sarkar aur Mamta didi pasand nahin hai.

Bangal mein vidhansabha chunav mein mili haar se Mamta Ji ko sabak lena chahiye kyunki unhone apni manmani aur apni jidd Janata per thopni chahi Janata ko gumrah bhi kiya unhone Vikas, Naukri , shiksha aur Nyaay vyavastha per dhyan nahin diya Bangal me tarkki bhi sucharu roop se nahin chali.

Ye image mane bhi sodal Media per dekhi jisme ek bhai apni mari hui behan jo ki kabr me dafan ho gai thi per bhai ke halat aise hue ki use apni behan ki kabr khodkar plastic ke bag mein bharkar lana pada.

Yah ghatna Orissa ke Keonjhar jile ki hai .Jeetu Munda naam ka vyakti jiski Kalra Munda naam ki bahan thi Jo ki mar chuki thi . Jeetu Munda ko rupay ki jarurat hone ki vajah se Kalra Munda ke khate se rupay nikaalne the lekin bank waalon ko behan ka dath sartificate ke bina khate se rupaye nahin nikal sakte yeh kehkar mana kar diya. Jeetu Munda ko dath sartificate chaiye tha jo ki uske pass nahi tha aur pahli bar usne aise kisi dath sartificate kagaj ka naam suna tha.Jeetu ke anpadh hone ki vajah se use kuchh samajh nahi aaya use Jo theek laga usne vahi kiya aur is vajah se use ye kadam uthana pada bank mein Jab vyakti apni bahan ke sav ko is halat mein lekar pahuncha Bank mein yeh dekh kar afra tafri mach gai aur fir Police ko bulaya gaya.

Pradhaan mantri Narendra Modi ji ne 28 april ko Sikkim ke Gangtok mein sthaniye yuva ke saath Football ka match khela vaise yeh khel Sikkim ke 50 ve rajye sthapna divas hone ke uplaksh me hua . Modi ji apne har movement ke photo social media per dalte hain to kya unhone social media nahin dekha ki is waqt kya news chal rahi hai Modi ji har baar kehte hain desh badal raha hai aur tarkki kar raha hai to kya is tarah desh badal raha hai.

Kya yahi hai hamare desh ki badalti tasvir Jahan ek aam aadami ko aaj bhi musibat jhelni padti hai aur iske liye bhatkna padta hai aur dusri taraf ek khas aadami football khelta hai aur apne photo social media per dalte hain.

Halanki ismein Jeetu ka aapad hona bhi hai jis karan bo sistam ko nahi samjh paya aur use. wakt jo thik laga bo usne kiya .

Lakin ak dusra karan Jeetu ka garib hona bhi hai jis vajah se use ye kadam uthana pada.

Isme kis ki galti hai yah to pata nahin lekin badalte desh ki badalti tasvir kya yahi hai aur kehte hai ki mera desh badal raha hai ye kis tarah badal raha hai yah ham sab dekh rahe hai

Jeetu Munda ko apni bahan ke khate se rupaye nikalna chah raha tha. Lekin bank walon ne bataya ki dath certificate ka kagaj chahie use iski jankari na hone ke karan aur jo samajh mein aaya usne vahi kiya . Jeetu ne kuchh mahine pehle mari hui behan ki kabr khodkar behan ki body ko nikala aur body leker ke bank pahuch gya .

Garib hamesha garib hi kyu rahta hai garib ke liye hi kayde, kanoon kyon hote hain.Ye hai hamare desh ki badalti tasvir.

Is samay Bangal mein vidhansabha chunav ke liye neta jee tod mehnat kar rahe hain aur sabhi party ke neta kursi paane ki chah mein votebank badane me lage hain . Kolkata ke galiyaron netaon ki really bhi jansabha se vote ke liye prechaar kar rahe hai aur khoob iske charche ho rahe hai neta kolkata me aam janta se samvaad kar rahe hai neta ji tod mehnat karke khud ko aam Insan se jode rahe hain aur unke saath khade hokar janata ko bhi ek khas ehmiyat de rahe hai

Per ye sab Jo bhag daud ho rahi hai vah sirf chunavi bhag daud hai aur chunav ke waqt tak hi hai uske baad netaji ko kisi ki yaad nahi rahegi na hi koi baat yaad rahengi abhi to aam Janata ko chunav ke waqt hi yaad kiya jata hai.

Bangal mein Mamta didi ka andaz shandar hai aur bilkul hi alag hai veh kisi manch se khade hokar samvad nahin kar rahi hai balki raat ke waqt aam Janata se mil rahi hain aur unse samvad kar rahe hain.

Kursi paane ke liye kisi baat per bhi neta ek dusre par kichad u chalane ka mauka nahin jaane de rahe.

PM Modi ne vidhansabha chunav ke dauran hugli nadi mein naav se noka vihar kiya aur unhone apne social media per photo bhi share ki

Pradhanmantri ne chunav prachar ke dauran Mathura ki Sabse badi dharmik aur maan Kali ke darshan kiye aur Puja Archana ki yah pahli bar nahin hai ki Jab Modi ji kisi dharmik sthal per na gaye ho har baar chunav prachar ke dauran vahan ke dharmik sthal per jaate jarur hain.

Idhar Mamta didi ne Modi ji per nishana sadha ki hamare yahan hugli nadi Yamuna se adhik saaf hai iske viprit Delhi mein Yamuna nadi ka pani saaf nahin hai.

Neta koi bhi mauka jaane nahin de rahe chunav prachar kar rahe hain aur aur ek dusre ki tang bhi khinch rahe hain.

Pradhanmantri Narendra Modi ne chunav prachar ke dauran Mamta didi per aarop lagaya ki unki party mein neta nahin balki apradhi hain chote- chote gunday Jo khud ko hi sarkar samajh rahe hain mahilaon ko pratadit karte hain lekin Bhajpa ki party yah bardash t nahin karegi

ab dekhna hoga Kalighat ki maan Bhawani kis neta ko Aashirwad deti hai aur vahan se kis party ke neta ji ko jeet mile

Kyunki Mamta didi bhi khoob mehnat kar rahi hai aur Mamta didi Bangal ko kafi samay se jaanti hai aur unke samne Bhajpa se Subhendu khade hai ab dekhna hoga vidhansabha chunav kiske liye jeet layega aur kis ko haar .Jisko Bangal ki janta sabse adhik visvaas ke yogya samjhegi usiko saath degi.

Mahila Aarakshan ki baten ine dinon kafi suni ja rahi hai chahe social media ho news channel ho newspaper ho aur chaye rajniti galiyan ho .Is waqt ki sabse badi khabar hai.Mahila Aarakshan ko vipaksh ki vajah se swikriti na milna

Har baar jab kabhi mahilaon ki tarkki ko lekar koi faisla liya jata hai to baten hi hokar rah jaati hai aage kuchh nahin hota hai kya vajah hai aisa hone ki.

Sansad mein mahilaon ke liye 33% Aarakshan lagu ki ya jana tha jiske liye paksh -vipaksh mein vote dale gaye.Jismein se 298 vote paksh mein aur 230 vote vipaksh mein pade is tarah is vidheyak bil ko parit hone ke liye 54 vote kam mile.Aur is tarah Mahilaon ko Sansad mein fir se andekha kiya gaya.

Mahilaon ko Loksabha aur Vidhansabha mein 33% Aarakshan dene ka Jo vidheyak hai veh samvidhan mein bhi sanshodhit hai fir kabhi paksh to vipaksh Mahilaon ko Arakshan dene mein kyun aade aata hai.Har baar jab kabhi sarkar yah Aarakshan pesh karti hai to use waqt Jo vipaksh mein hote hain unhen etraj kyon hota hai kya aaj bhi purush mahilaon ko aage badhate nahin dekhna chahte.

Lekin dekha jaaye to mahilaon ke liye Aarakshan bil pesh karke Sarkar bhi rajniti ka Khel khelti hai.Aur aam Janata ko yah dikhati hai ki ham to mahilaon ke liye bahut kuchh karna chahte hain parantu vipaksh nahin chahta ki mahilaye aage badhe is tarah Sarkar khud Ko nirdosh aur vipaksh ko doshi savit karti hai sab sirf apna ulloo sidha karte Hain.

Iske baad Sarkar kafi dinon tak vipaksh ko kharikhoti sunakar apni bhadaas nikalti hai aur janta ke dimag mein bhi yahi bhar deti hai.

Is waqt Loksabha mein 543 sadasya hai jismein se shayad 100 bhi mahilaye nahin hongi yah hai hamare desh ki sansad ka haal Jahan mahilaon ko barabari ka darja nahin milta hai

September 2023 mein Sarkar ne mahila Aarakshan bil pesh Kiya jise paksh- vipaksh donon taraf se sahmati mili aur sabka najriya ek tha to uska kya hua .Usmein Sarkar ne apne kadam aage kyon nahin badhae.

Abhi tak sansad mein 9 baar Mahila Aarakshan vidheyak ke liye koshish ki gai per her baar kuchh na kuchh atkale lagi hai

Yah mahilaon ke sath nainsafi hai.Iska har varg ke vyaktiyon ko purzor virodh karna chahiye Sansad mein Mahilaon ko 33% aarkshan milna chahiye jisse ki Mahila sakti ko bada ba mile aur is tarah mahilaon ki chavi bhi sudhregi .Jab mahilaon ko aage badne ka mauka milega to mahilaon ke sath desh ki tarkki me bhi izafa hoga