Aaj ki badalte samay mein har insaan khud ko kaafi samajhdar aur sahi manta hai iske alava vah kisi ko bhi kuchh nahin samajhta yahi aham (ghamand)kahlata hai jo ki thoda bahut har vyakti ke andar hai .
Kisi ko aage badhate dekhna to kisi per dhan sampatti jyada kisi ki acchi naukari ho aisa kuchh bhi dekhkar vyakti na jaane dimag mein kitni samasyaen lekar chalta hai aur is vajah se aksar log apne jivan mein dukh chinta dar santosh ashanti irshya bhav badle ka bhav aur nafrat aisi bhavon ko dimag mein jagah deta hai aur apne jivan Ko bhi chintaon se grasit rakhta hai
Aaj ke waqt mein har vyakti ko ek dusre ko dekhkar kuchh na kuchh chahat rahti hai Jaise kisi ko samman ki bhookh hai to koi amir nanna chahta hai to kisi ko kisi ka aage badhana nahin dekha jata aur man hi man tanav rakhta hai.
Dekha jaaye to insan apne hi Me aur ghamand ke aage kuchh nahin dekhta aur badle ki bhavna ise kahin bhi shant nahin rahane deti aur is vajah se dimag mein har waqt ek kolahal sa macha rahata hai .
Aapsi rishte bhi iski vajah se bigadte hain .Aaj ghar parivar ho ya pass-padose ho har vyakti is samasya se pidit hai . vyakti apne sathiyon ke sath badle ki bhavna se bura vyavhar karta hai aur yah mahsus bhi nahin karta ki usne kisi dusre ko kitni mansik pareshani di hai.
Hamen apne aham se nikalna hoga apni me se nikalna hoga aur bahar ki duniya ko dekhna hoga halanki thoda kathin hai lekin jab jam apne aham apni Me se bahar nikalte hain to ham ek shanti mahsus karte hain aur paate hain ki man ki shanti koi rupaye paise se nahin milati balki apne aham aure se nikalne ke baad milte hai agar koi aisa vyakti jise aap apna dost mangte hain Jo aapke kareeb hai aur jise aap apna sab kuchh kah sakte hain to unse batchit kijiye aur jo vyakti aapko har waqt chot pahunchata hai usse duri rakhen.
Vyakti ko chahiye ki veh apne vyavhar per bhi najar rakhe aur apne aham aure se nikalkar dusron ke saath acchi vyavharikta rakhiye jisse ki ham bhi kisi ko mansik ashanti na de choti baat ko jyada lamba nahin khinch en balki hamen mafi deni chahie jab kisi vyakti ko ham maaf kar dete hain to maafi usko nahin balki apne dimag ko di hai aur apne aap ko azadi di hai.
Hamesha apne hi jivan mein na vyast rahen balki dusron ke sukh dukh mein bhi rahana chahiye bina swarth ke logon ke dukh mein sahyog dena chahie aur kisi dusre ke sukh ko dekhkar khud ko dukhi nahin karna chahie . Is tarah aapko ek naya marg bina aham aur me ke milega.
Ham kisi ke prati badle ki bhavna rakhte hain to ismein ham khud ko hi pareshani dete hain aur maaf karte hain aur apne aham se bahar nikalne ka ek naya rasta banate hain .
Leave a Reply