wwwmeridiary.com

Author: ttyagimamtta@gmail.com

  • Santulit jivan

    Jeevan ham sab jite hain lekin yah kaise jina chahie ise koi nahin samajhta aur na hi samajhne ki koshish karta hai ab aap kahenge ki jivan to jaise ki chal raha hai vaise hi chalna chahiye per nahin yahan ham baat kar rahe hain santulit jivan matlab balanced life.

    Balanced life yani santulit jivan iska matlab yah nahin hai ki aap subah jaldi uth jao aur ghar ke kaam jaldi kar lo aur fir jaldi subah naha len aur puja archana karen aur rule banake rakhe ki nahane se pahle kuchh na khayen aur nahakar hi khana banao santulit jivan ka isse koi matalab nahi hai isase alag hai santulit jivan

    Sabse pahle santulit jivan ke liye subah ke time mein ek samay per uthne ki aadat daalni chahiye kyunki hamara sharir bhi ek ghadi ki tarah hai aur jaisi ham aadat chahenge hamara sharir vaise hi react karne lagega.Isliye acchi aadat to achha santulit jivan hoga.

    Sabse pahle subah uthkar khud ko positive rakhiyega aur ek gilas gunguna pani baithkar aaram se fursat mein ghunt -ghunt lekar pina chahiye fir fresh hone Jana chahie .

    Daily aapko uthne ki aadat ek hi samay par rakhni chahiye aur uth kar pani pina .Pani peene se fresh achche tarah ho jate hain fresh hone Jana bhi ek hi samay rakhna chahiye.

    santulit aahar(balance diet)

    Hamein khane ke waqt mein apni diet per dhyan dena chahiye yah bahut jaruri hai isliye apni diet mein santulit aahar rakhen balanced diet veh diet hoti hai jismein aapko sare vitamin protein milte hain jo aapki body mein energy badhane ka kaam karte hain aapke red blood sales ko banate hain aur saaf rakhte hain santulit aahar se aapke thoughts positive rahte hain agar ham khane ke waqt apni thali mein kuchh bhi anaap-snaap khane ke liye rakh lete hain aur pet se upar kha lete hain jisse sharir ko hi nuksan pahuncha ta hai aur hamare thoughts bhi negative isliye rahte hain

    meditation(Dhyan karna)

    Hamen apne pure din mein kuchh samay ke liye hi sahi per dhyan karna chahiye dhyan karne ke liye shant jagah chune yah jagah ghar se bahar park bhi ho sakta hai ya fir aapke ghar ke andar hi koi kona ho sakta hai met jameen par daalker aur use per baith jaen Jahan shanti ho apni aankhen band karke kuchh nahin sochana hai kuchh na bolna hai sirf apni sanson per dhyan dena hai kyunki kuchh log nahin jante ki dhyan karna kya hota hai isliye apna dhyan sirf sanson per lagana hi dhyan kahlata hai is waqt vichar aapke man mein aayenge vah vichar acche bure aapko hansne aapko rulane wale bhi ho sakte hain ine per aapka control nahin hai isliye inhen aane aur jaane dijiye lekin koshish kijiye ki aapka dhyan sirf sanson per hi rahe Jab aap roj hi karte hain to aapka man shant rahane lagta hai aap apne andar hi khud per dhyan dene lagte hain aur dheere dheere yah aapke vyaktitva ko bhi nikharata hai.

    social life(samajik jivan/

    Aaj ke time mein social life hamare liye bahut jaruri hai isase aap duri nahin banaa sakte kyunki yah har vyakti ke jivan ka mahatva purn ang hai lekin aapko kin vyaktiyon ke saath baithana hai iska aapko decision lena hoga kyunki aapki social life Jaisi hogi vaise hi vichar aapke andar banenge isliye apni social life ko achcha rakhna chahie aapko apne dost chunte waqt yah dhyan rakhna chahie ki aapke dost ki list jyada badi nahin honi chahie yah gine-chune hi ho char ya panch lekin vah char-paanch dost bhi aapke vyaktitva ko nikhar te hai. Ek social life ham sabke pass smartphone ke roop mein bhi hai aur is par chat karke ham apne friends banate hain is social life mein bhi friends jyada nahin rakhne chahiye dikhava bhi nahin rakhna chahie ek sant jivan bhi santulit jivan mein kafi yogdan deta hai is baat ka dhyan rakhna chahiye.

    .

    yah Hai balanced life santulit jivan jismein subah uthkar kya karna chahie khane mein aapko kya kis tarike ka khanpaan rakhna chahie meditation vah bhi aapki jivan ka ek hissa hona chahie iske alava Jo social life hai aapka Aaj padho aur aapke hath ka phone ine donon ko hi aapko maintain karna hoga ki aapko apni social life kitni Badi aur kis tarah ki banane Hain

    agar aap santulit jivan jite Hain to aap Khush rahenge energy Se bhare rahenge aur aage badhane ki bhi raste talash aaenge kyunki santulit jivan aapke upar Koi bojh nahin dalta balki aapko niyam Se rakhne ki aadat sikhata hai aur yah har Kisi Ko sikhana chahie

    Santulit jivan mein sab kuchh hota hai hansi khushi samajik jivan apna personal jivan aur apna parivarik jivan samajik jivan hamara apna sharir hamari apni duniya ye sab kuchh agar ham maintain karke chalen to hamen santulit jivan jeene kafi madad milegi .

  • pyasa kauwa

    Ek baar ki baat hai ek ghane jungle mein bahut sare jungali janwar aur pashu pakshi rahte the. Garmiyon ke din the aur sukha pad raha tha barish bhi nahin ho rahi thi aur dur tak garmi ki vajah se nadi nale ka pani sukh gaya tha aise mein ek kauwa jo ki bahut pyasa tha aur pani ki talash mein kisi dur Jungle se ud kar aaya pipal ke ped per baitha tha upar ped per se charon taraf nigah ghuma kar dekh raha tha . Use pani ki talash thi .Kauve ko bahut pyas lag rahi thi use .Lakin kahin dur yak pani nahin dikha vah ek ped se dusre ped per dusre ped se teesre ped par udd udd kar ja raha tha aur har jagah pani talash raha tha lekin pani use kahin nahin dikh raha tha ki achanak use dur ek matka dikha kauwa udkar use matke per jakar baith gaya aur use matke mein jhank kar dekhne laga usne dekha matke ke tale mein thoda sa pani tha .Pani dekhkar kauwa bahut khush hua aur vah pani peene ki koshish karne laga lekin kauve ki chonch pani tak nahin pahunch pa rahi thi usne bahut baar prayas kiya lekin har baar vah asafal raha

    Kauwa bahut pyasa tha aur pani dekhkar uski pyas badh gai thi lekin vah pani peene mein asamarth tha usne socha ki kya kiya jaaye jisse ki pani peene ko mil jaaye usne pass mein hi chhote pathar ke tukde dekhe chhote pathar Ke tukde dekhkar usek dimag mein khyal aaya ki kyon na ak -ak pathar ke tukde ko matke mein dalta jaaun aur isse pani upar a jaega usne udd kar ak -ak pathar apni chounch se lakar matke mein dalna shuru kar diya thodi der baad mataki ka pani pathar ke tukdon ki vajah se upar a gaya aur yah dekhkar kauwa prasann hua aur usne pani pikar apni pyas bujhai.

    Pyasa kauwa hamen sikh deta hai ki pareshaniyan kitni hai kathin kyon na ho per pareshaniyan ka koi na koi hal jarur hota hai yah kahani ham bachpan se hi sunte aur padhte a rahe hain aur yah pyasa kauwa ki kahani hamen bahut badi sikh deti hai.

    Ek Kisan apni kheti mein bi hone se pahle khet ko taiyar karta hai uski mitti ko tractor chala chala kar mulayam karta hai pani dalta hai aur mausam ke hisaab se khet mein beej bota hai aur usmein samay per pani ,khaad dalta hai aur kitnasak davaon ka bhi chidkav karta hai aur fasal taiyar hone ka intezar karta hai jismein kuchh mahine lag jaate hain tab kahin jakar kisan ko apni fasal milati hai kehna yah hai ki bina mehnat ke kuchh hasil nahin hota hai isliye agar aapko apna sapna pura karna hai to mehnat karni hogi kyunki mehnat ka fal meetha hota hai yah 100 taka sach baat hai.

    Aaj ka Yuva varg mehnat se darta hai Ji chura Kar bhagata hai aur jab wakt nikal jata hai to vah apne naseeb ko dosh deta hai. Yuva varg ko apna friend circle achcha rakhna chahie positive rakhna chahie aaj ki technology ke baare mein jankari bhi rakhna jaruri hai jisse ki aap carier mein aage badh sake Jaise pyasa kauwa ek ped se dusre ped ki taraf aage badhta raha vaise hi apni ek line mein aage badhate rahiye aur mehnat karke apne goal ko paa lo.

  • Desh badal raha hai

    Ye image mane bhi sodal Media per dekhi jisme ek bhai apni mari hui behan jo ki kabr me dafan ho gai thi per bhai ke halat aise hue ki use apni behan ki kabr khodkar plastic ke bag mein bharkar lana pada.

    Yah ghatna Orissa ke Keonjhar jile ki hai .Jeetu Munda naam ka vyakti jiski Kalra Munda naam ki bahan thi Jo ki mar chuki thi . Jeetu Munda ko rupay ki jarurat hone ki vajah se Kalra Munda ke khate se rupay nikaalne the lekin bank waalon ko behan ka dath sartificate ke bina khate se rupaye nahin nikal sakte yeh kehkar mana kar diya. Jeetu Munda ko dath sartificate chaiye tha jo ki uske pass nahi tha aur pahli bar usne aise kisi dath sartificate kagaj ka naam suna tha.Jeetu ke anpadh hone ki vajah se use kuchh samajh nahi aaya use Jo theek laga usne vahi kiya aur is vajah se use ye kadam uthana pada bank mein Jab vyakti apni bahan ke sav ko is halat mein lekar pahuncha Bank mein yeh dekh kar afra tafri mach gai aur fir Police ko bulaya gaya.

    Pradhaan mantri Narendra Modi ji ne 28 april ko Sikkim ke Gangtok mein sthaniye yuva ke saath Football ka match khela vaise yeh khel Sikkim ke 50 ve rajye sthapna divas hone ke uplaksh me hua . Modi ji apne har movement ke photo social media per dalte hain to kya unhone social media nahin dekha ki is waqt kya news chal rahi hai Modi ji har baar kehte hain desh badal raha hai aur tarkki kar raha hai to kya is tarah desh badal raha hai.

    Kya yahi hai hamare desh ki badalti tasvir Jahan ek aam aadami ko aaj bhi musibat jhelni padti hai aur iske liye bhatkna padta hai aur dusri taraf ek khas aadami football khelta hai aur apne photo social media per dalte hain.

    Halanki ismein Jeetu ka aapad hona bhi hai jis karan bo sistam ko nahi samjh paya aur use. wakt jo thik laga bo usne kiya .

    Lakin ak dusra karan Jeetu ka garib hona bhi hai jis vajah se use ye kadam uthana pada.

    Isme kis ki galti hai yah to pata nahin lekin badalte desh ki badalti tasvir kya yahi hai aur kehte hai ki mera desh badal raha hai ye kis tarah badal raha hai yah ham sab dekh rahe hai

    Jeetu Munda ko apni bahan ke khate se rupaye nikalna chah raha tha. Lekin bank walon ne bataya ki dath certificate ka kagaj chahie use iski jankari na hone ke karan aur jo samajh mein aaya usne vahi kiya . Jeetu ne kuchh mahine pehle mari hui behan ki kabr khodkar behan ki body ko nikala aur body leker ke bank pahuch gya .

    Garib hamesha garib hi kyu rahta hai garib ke liye hi kayde, kanoon kyon hote hain.Ye hai hamare desh ki badalti tasvir.

  • Bangal mein Chunav

    Is samay Bangal mein vidhansabha chunav ke liye neta jee tod mehnat kar rahe hain aur sabhi party ke neta kursi paane ki chah mein votebank badane me lage hain . Kolkata ke galiyaron netaon ki really bhi jansabha se vote ke liye prechaar kar rahe hai aur khoob iske charche ho rahe hai neta kolkata me aam janta se samvaad kar rahe hai neta ji tod mehnat karke khud ko aam Insan se jode rahe hain aur unke saath khade hokar janata ko bhi ek khas ehmiyat de rahe hai

    Per ye sab Jo bhag daud ho rahi hai vah sirf chunavi bhag daud hai aur chunav ke waqt tak hi hai uske baad netaji ko kisi ki yaad nahi rahegi na hi koi baat yaad rahengi abhi to aam Janata ko chunav ke waqt hi yaad kiya jata hai.

    Bangal mein Mamta didi ka andaz shandar hai aur bilkul hi alag hai veh kisi manch se khade hokar samvad nahin kar rahi hai balki raat ke waqt aam Janata se mil rahi hain aur unse samvad kar rahe hain.

    Kursi paane ke liye kisi baat per bhi neta ek dusre par kichad u chalane ka mauka nahin jaane de rahe.

    PM Modi ne vidhansabha chunav ke dauran hugli nadi mein naav se noka vihar kiya aur unhone apne social media per photo bhi share ki

    Pradhanmantri ne chunav prachar ke dauran Mathura ki Sabse badi dharmik aur maan Kali ke darshan kiye aur Puja Archana ki yah pahli bar nahin hai ki Jab Modi ji kisi dharmik sthal per na gaye ho har baar chunav prachar ke dauran vahan ke dharmik sthal per jaate jarur hain.

    Idhar Mamta didi ne Modi ji per nishana sadha ki hamare yahan hugli nadi Yamuna se adhik saaf hai iske viprit Delhi mein Yamuna nadi ka pani saaf nahin hai.

    Neta koi bhi mauka jaane nahin de rahe chunav prachar kar rahe hain aur aur ek dusre ki tang bhi khinch rahe hain.

    Pradhanmantri Narendra Modi ne chunav prachar ke dauran Mamta didi per aarop lagaya ki unki party mein neta nahin balki apradhi hain chote- chote gunday Jo khud ko hi sarkar samajh rahe hain mahilaon ko pratadit karte hain lekin Bhajpa ki party yah bardash t nahin karegi

    ab dekhna hoga Kalighat ki maan Bhawani kis neta ko Aashirwad deti hai aur vahan se kis party ke neta ji ko jeet mile

    Kyunki Mamta didi bhi khoob mehnat kar rahi hai aur Mamta didi Bangal ko kafi samay se jaanti hai aur unke samne Bhajpa se Subhendu khade hai ab dekhna hoga vidhansabha chunav kiske liye jeet layega aur kis ko haar .Jisko Bangal ki janta sabse adhik visvaas ke yogya samjhegi usiko saath degi.

  • Ganesh Katha

    Ek baar ki baat hai. Ek chhota balak apni mutthi mein jara se chawal lekar aur chhote se gilas mein jara sa dudh lekar har kisi se kehte ja raha tha ki koi mere liye kheer banaa do, Koi meri khir banaa do. Lekin koi bhi balak ki baat sun nahin raha tha aur sabhi an suna kar rahe the.

    Jo koi bhi us balak ke hath mein chawal aur dudh dekhta to hansne lag jata aur kehta itne se ki kya kheer banegi ,to Koi kahta ki ham ye khir banaenge itne faltu ke kaam karne ka hamare pass samay nahin hai. Is tarah koi bhi balak ke liye kheer nahin banaa raha tha balak nirash tha.

    Balak aage badhta ja raha tha aur aage badhane per fir kisi aur vyakti se apne liye kheer banane ki baat kahane lagta lekin har baar balak ka sab majak udate ya fir usko dant kar bhaga dete.

    Balak chalte -chalte bahut dur nikal aaya vahan bhi apne chawal aur dudh dikhate hue kahane laga koi mere liye kheer banaa do .Vahin ek purani jhopadi thi jhopadi ke dware per ek budhi amma baithi thi .balak ne jakar us budhi amma se bhi aagrah kiya chawal aur dudh dikhate hue ki amma mere liye kheer bana do budhi amma ne dudh aur chawal dekh kar kaha ki itne dudh aur chawal se kitni kheer banegi per chalo main abhi faltu baithi hun to tumhare liye kheer banaa dun yah kahkar us budhi amma ne chawal aur dudh balak se le liya aur apni jhopadi mein jaane lagi tabhi balak ne kaha ki amma kheer banane ke liye bade se chule mein aag jalana aur chule per badi kadhai rakhna chhote bartan mein kheer nahin banana ye sunkar amma ko hansi a gai.

    Amma ne chule mein aag lagakar ek kadhai rakhkar usmein balak se liya hua gilas wala dudh dalne lagi aur jab dudh garm jo gaya to usmein usne balak se liye chawal dal diye aur kheer banaa di amma ko nind a rahi thi usne apni bahu se kaha ki Jab khir Puri tarah se ban jaaye to Ganesh Ji ko bhog laga dena aur use balak ko kheer de dena yah kahkar amma sone chali gai.

    Bahu ko bhookh lag rahi thi aur veh kheer banane ka intezar nahin kar saki usne kadhai mein se Jara si kheer lekar darvaje ke peeche daal di aur khud khane baith gai kheer khakar bhau apne ghar ke karya mein vyast ho gai aur balak ko kheer ke liye kahana bhul gayi.

    Budhi amma ne jagne ke baad bahu se poochha kya usne Ganesh Ji ko bhog lagaya hai aur use balak ko kheer khane ke liye de di yah sunkar bahu ne kaha ki vah balak nahin aaya maine to usko bulaya tha to amma ne kaha main jaati hun aur us balak ko khir khane ke liye de deti hun vah bahar kafi der se khel raha hai aur khir banne ka intezar bhi kar raha hai .Bahar jakar amma ne kaha balak se chalo andar aur khir kha lo is per balak ne kaha ki kheer to maine kab ki kha li amma ne kaha kab khaya balak Ne kaha apni Bahu Se poochho ki usne mujhe darvaje ke piche khir khane di ki nahin

    Amma andar aakar bahu se boli ki tune mujhse jhooth kyon kaha ki maine balak ko bulaya per balak nahin aaya maine balak se poochha to usne kaha ki Aapki bahu me mujhe darvaje ke piche khir khane di thi yah sunkar bahu rone lagi aur fir bahu ne amma ko sari baat bata di yah sunkar amma bhi ashcharya chakit ho gai unhone darvaje ki piche dekha vahan per bahu ne Jo kheer dali thi vah nahin thi yah dekh kar dono baher a gayi ki aakhir yah kaise hua nahar aakar dekha kii vah balak aur koi nahin balki Ganesh Bhagwan the amma aur bahu Khush bhi the ashcharya chakit bhi the donon Ganesh ji ki pairon mein gir gayi amma me kaha ki aap ne yah leela kyon rakhi is per Ganesh Bhagwan bole ki tum dono mera nritya puja paath karte ho is per main khush hua aur Tum donon Ko aashirwad dene a Gaya.

    Amma ne kaha ki Bhagwan jo aap dudh aur chawal lae the uski to bahut kheer ban gai hai ab uska lya karen Ganesh Bhagwan ne kaha use kheer ko pure nagar mein prasad ki tarah bant do aur agar kheer bachti hai to usko apni jhopadi ke charon kone mein mitti ke niche daba dena amma aur bahu ne vaisa hi kiya jaisa ki Ganesh Bhagwan ne kaha.

    Subah Jab hui to amma ki jhopadi mein charon kone mein sona aur chandi bikhre hue the yah jai Ganesh Katha.

  • Kahani Shri Krishna ki

    Bansi bajaiya, Makhan chor, Kanhaiya, Girdhar jaane kitne naam hai .Ek Bhagwan kai naam aise hain hamare Shri Krishna Bhagwan jinhone jaane kitni leela rachi hai har leela ko sunane mein alag hi anand aur ras milta hai.

    Makhan chor ne apne paida hone se pahle hi leela rachna shuru kar di.Aise hain hamare Bhagwan Shri Krishna.

    Shri Krishna Bhagwan ne bachpan se hi paapi rakshas ko khatm kiya aisi kafi kahaniya sunane ko milati hai inmein se ek kahani is prakar hai.

    Gujarat ke junagarh mein janme Ajay Kumar Krishna aradhna mein aur unki bhakti karne mein bada hi anand aata tha aur bhakti mein vah itna magn ho jaate duniya ko bhul jaate. Parivar ke sadasya yah sab dekhkar kabhi- kabhi unhen rokte aur taane maarte Jaise Kaam na dham ka to hai nahin bus faltu ke kaam karta hai

    Ajay ine baton ko sunta lekin use per koi fark nahin padta kyunki uski man mein aur dimag mein sirf Krishna bhakti rehti Jahan jata Krishna ko apne Saath lekar chalta koi pareshani aati to bhi apne Krishna se hi kahta aur logon se kahta ki dekhna ek din mujhe mere Prabhu darshan denge.

    Kitna hi jaruri kaam kyon na ho lekin vah apne Prabhu ki bhakti ko samay per karta chahe kitna hi bada kaam chhut jaaye uska .Usko koi dukh nahin hota is vajah se ghar ke Vyapar mein koi hath vata ta tha jis karan ghar ke sabhi sadasya Ajay se nafrat karte the.

    Ajay ki Krishna ke prati bhakti din pe din badhati hi ja rahi thi yah dekh gharwalon ka gussa bhadta ja raha tha aur pani sir ke upar ho gaya aur unhone ek din Ajay ko ghar se bahar nikal siya. Ajay apne Krishna ji ki murti ko lekar nikal gaya chehre per koi dukh nahin tha. Ajay to balki khus tha kyunki ab pure din bina rok- tok Bhagwan ke kirtan karega aur raslila karega . Ajay in baton ko soch kar hi anandit ho raha tha aur yah sochte hue ghar se bahar nikal gaya.

    Raat Hui aur usko bhookh lagi tab usne apne charo taraf dekha use kahin se koi khane ke liye tarika samajh mein nahin aaya kyunki Ajay ke pass ek futi kaudi bhi nahin thi .Veh lekin fir bhi chehre per khushi liye baitha tha aur hothon per Krishna ji ke geet .Tabhi dur use ek mandir dikha aur Ajay vahin chala gaya.

    Mandir pahunch ker Ajay ne socha ki prasad se hi pet bhar lunga lekin Jara se prasad se kya pet bharta lekin jitna mila usi prasad ko khakar fir se laut aaya aur mandir ki siddhi per baith gaya kyunki sone ke liye jagah chahie thi aur thodi der baad Ajay vahin mandir ki siddhi per so gaya.

    Achanak raat Ko barish bhi a gai aisa lag raha tha jaise Prabhu Shri Krishna Ajay ki pariksha le rahe ho lekin Ajay ke chehre se khusi hat nahin rahi thi.

    Ajay laparwah hokar shanti se mandir ki siddhi per so raha tha. Lekin barish tej ho gai is vajah se uth gaya aur fir upar Mandir mein chala gaya

    Raat Ko Mandir ke bhavan mein koi nahin tha to vahin Mandir ke ek kone mein Ajay baith gaya aur tali bajate hue bhajan gane laga aur gaate -gaate anandit hokar naachne bhi laga ki achanak jor se bijali ladki Mandir mein paristhiti Shri Krishna ji ki murti se sakshat Shri Krishna bhagwan murli bajate hue Ajay ko dikhai dene lage Ajay bhag kar Shri Krishna ji ke gale lag gaya.

    Bhkt agar apni sacchi bhakti Karete hai aur kai kasht sahte hain to Prabhu bhi apne bhakt ke liye is dharti per aate hain.

    yadi hamari Katha Shri Krishna Katha.

  • Brihaspati Dev Katha

    Bhagwan apne bhakton se sacchi bhakti chahte hain aur bhakt bhi apne Bhagwan ko sacchi bhakti se chate hain. Kabhi -kabhi Bhagwan bhakt ki pariksha bhi lete hain. Jo bhakt katinaiya jhelte hue pariksha se nikal jata hai sacchi bhakti ke sath use Bhagwan apne darshan bhi dete hain Aasa hamare purvaj kahate the yah hai bhakt Bhagwan ka rishta

    Brihaspati Bhagwan

    Brihaspati Bhagwan ko bhakt unki mahima se pahchante hain Brihaspati Bhagwan ka guruwar ke din pujan kiya jata hai kele ke ped ke niche baithkar Brihaspati dev ki katha suni jaati Hai bhakt chane ki daal ke sath Peele vastra pahankar inki katha ko brat rahakar sunte hain . Bhakt brat ke saare niyamon ka palan karte hain Brihaspati Bhagwan ki mahima apram par hai is brat mein peela vastra aur pili vastuen hi khane ke liye lete hain aur gai ko bhi aate ki loi mein haldi lagakar peela karke chane ki daal daalker di jaati hai.Brihaspati Bhagwan ke vrat ka palan nishtha ke sath karte hue unke brat ka anushthan bhi karna chahiye .

    katha

    Vaise to Brihaspati Dev ke kaafi Katha prachalit hai aur sari Katha hi sarvshreshth hain inmein se ek katha is prakar hai

    Bahut samay pahle prachin kaal mein ek danvir Raja the. Aaspaas ke rajyon mein danvir Raja kafi prasiddh the .usi rajya mein ek dhani sahukar bhi apni patni aur parivar ke saath rahata tha sahukar aur uski patni swabhav se kanjus the aur bhakti bhav se dur rahte the daan- pun aur bhakti mein unko koi vishwas nahin tha.

    Ek bar ki baat hai Jab sahukar apne ghar per nahin tha veh kisi dusre nagar mein karya se gaya hua tha tab ek Sadhu Aaye aur unke dwar per bhiksha mangne lage sahukar ki patni jo ki kanjus aur ghamandi thi Bhagwan mein vishwas na karne wali usko Sadhu ka aana bhiksha mangna achcha nahi laga to usne kaha ki main kisi bhi Sadhu ko koi dan- pun nahin karti .

    Sadhu ne samjhaya ki dan- pun karne se dhan mein badhotari hoti hai aur Bhagwan ka aashirwad milega aur yah aashirwad aapke saat pusto ko milega. Sahukar ki patni jiddi thi usne Sadhu ki baat Ko unsuna kiya is tarah Sadhu ne kaha ki agar tumhen yahi ichcha hai ki tum apne dhan ka sadupyog na karo aur bhakti bhav mein koi ruchi na rakho to isase tumhara dhan jaldi hi nasht ho jaayega yah kahkar Sadhu ji chale gaye.

    Kuchh samay baad sahukar ko gambhir rog ho gaya aur iske karan vyapar bhi kam hone laga aur is tarah kuchh samay baad uske yahan dhan ki Kami ho gai

    Kuchh samay ke baad sahukar ke darvaje per fir se vahi Sadhu aaya aur usne bhiksha mangi sahukar ki patni ne Sadhu ko pahchan liya aur apne bhul ka ehsas karte hue veh Sadhu ki saran mein chali gai aur mafi ki yachna karne lagi . Sadhu ne kaha ki jis din main aaya tha us din guruwar tha aur main Brihaspati Dev ka brat ka palan karta hun aur bhiksha mein mile hue aate se apne liye bhojan taiyar karta hun lekin use din tumne meri ek na suni aur mujhe bina bhiksha liye hi lautana pada tumne ek Sadhu ka apman kiya tha isliye Brihaspati Dev ne tumhen yah kasht diye hai.

    Shukar ki patni rote hue apni bhul ka pascha taap karne ka tarika poochhne lagi Sadhu ne Brihaspati Dev ki brat palan karne ki vidhi batai . Sahukar ki patni ne nishtha aur shradha ke sath vrat ka palan kiya Brihaspati Dev ne sahukar ki patni ki bhakti se prasann hokar uske pati ko theek kar diya aur Kar Diya yah Hai brihaspati Dev ki Mahima

  • Pahchan apni

    Har Insan apni pahchan banane mein laga hai aur apne aapko bada gyani sabit karne mein laga hai aur iske sath hi vah apne saath ke vyaktiyon ko kuchh nahin samajhta aur andar hi andar chahta hai ki meri pahchan ke samne koi inhen na pahchane sab bas mujhe hi samjhdar samjhe.

    Kuchh vyakti jinhen yah pahchan se koi matlab nahin hota aur is tarah veh bheed ka hissa mane jaate hain yah hai hamare samaj ki soch agar vyakti aage badhta hai to bhi veh kisi ki aankhon mein khatakta hai uske apne hi uske saath rahane ka dikhava karte hain aur man hi man uska bura chahte hain ki yah aage na bade aur agar koi nakara hai to samaj usko kuchh na kuchh kehte hai aur usko motivate karte hain.

    Main yahan kahana chahti hun har vyakti ko apne level per pahchan banane chahie yah pahchan ka matlab yah nahin hai ki aap auron ko gira kar khade ho jao nahin aisa nahin hota pahchan ka matlab yah bhi nahin hai ki aap kuchh bada karo ji nahin balki khud apne andar apne aap ko pahchano yah hai mera matlab.

    Jab vyakti nirnay leta hai ki vah apni kamiyan ko dur karke apni achhai ko pahchane ga aur yah prayas karta hai to uske andar ek nai urja pravahit hoti hai.

    Motivates

    Khud ko motivate rakhen aur uske prati positive rahe aur apne goal ko bhi pahchan le aur khud ko motivate rakhne ke liye motivational books padhen. Shuruaat mein apne lakshya ko chhota rakhen aur unhen pane ke liye mehnat karen motivational videos dekhen. Subah jaldi utha seekhe . yoga Karen aur aise vyaktiyon ke sath rahe Jo khud motivate hain jisse mahaul bhi aapko motivation milega. Samay per apne karya karne ki aadat daale aur jab aap apne chhote lakshanon ko prapt kar len to Khushi manae aur khud Ko inaam bhi de.

    Discipline life

    Aphi life mein disciplined rahana sikhe aur apne gol ko seriously lena sikhen har kam ko type samay per karna sikhen kam ko talna nahin hai Positive rahana chahie har din aksa nahin hota ghabraye nahin kabhi haar bhi hoti hai. Discipline life aage badhane ke raste dikhati Hai aur agar aap Kisi friend like jite ho to kuchh samay bad aapko kafi Anubhav bhi milenge .

    Is tarah chote- chote prayas se aap khud ko har din behtar banate jaoge dheere -dheere Jab aap khud per dhyan dene lagoge to aap dekhoge ki aapke andar hi ek aisi shakti chhupi hui hai jo aapko kafi anubhav degi.

    Aap dekhenge ki kai aise mahapurush hue jinhone kitni hi viket paristhitiyan ka Samna kiya lekin Apne aage badhane ke raste Ko nahin chhoda aur swayam apna nirman kiya aur ek aisi shakhsiyat bane Jo shayad kaafi vyaktiyon ke liye hona chmaktar tha.

    Har vyakti Jo pehle khud per vishwas rakhna chahie aur apne andar ki chhupi hui shaktiyon Ko pahchana hoga aur nirantar prayas karna hoga kuchh samay baad vah apna ek naya roop ko banata hai.

    conclusion

    Apne aap ko pahchan na apne andar ki bure roop ko khatm karna aur apne sapne ko samajhna aur apne sapnon ko pura karne ka hausla banakar khud Ko ek nai pahchan deni hai.

  • Mahila Aarakshan

    Mahila Aarakshan ki baten ine dinon kafi suni ja rahi hai chahe social media ho news channel ho newspaper ho aur chaye rajniti galiyan ho .Is waqt ki sabse badi khabar hai.Mahila Aarakshan ko vipaksh ki vajah se swikriti na milna

    Har baar jab kabhi mahilaon ki tarkki ko lekar koi faisla liya jata hai to baten hi hokar rah jaati hai aage kuchh nahin hota hai kya vajah hai aisa hone ki.

    Sansad mein mahilaon ke liye 33% Aarakshan lagu ki ya jana tha jiske liye paksh -vipaksh mein vote dale gaye.Jismein se 298 vote paksh mein aur 230 vote vipaksh mein pade is tarah is vidheyak bil ko parit hone ke liye 54 vote kam mile.Aur is tarah Mahilaon ko Sansad mein fir se andekha kiya gaya.

    Mahilaon ko Loksabha aur Vidhansabha mein 33% Aarakshan dene ka Jo vidheyak hai veh samvidhan mein bhi sanshodhit hai fir kabhi paksh to vipaksh Mahilaon ko Arakshan dene mein kyun aade aata hai.Har baar jab kabhi sarkar yah Aarakshan pesh karti hai to use waqt Jo vipaksh mein hote hain unhen etraj kyon hota hai kya aaj bhi purush mahilaon ko aage badhate nahin dekhna chahte.

    Lekin dekha jaaye to mahilaon ke liye Aarakshan bil pesh karke Sarkar bhi rajniti ka Khel khelti hai.Aur aam Janata ko yah dikhati hai ki ham to mahilaon ke liye bahut kuchh karna chahte hain parantu vipaksh nahin chahta ki mahilaye aage badhe is tarah Sarkar khud Ko nirdosh aur vipaksh ko doshi savit karti hai sab sirf apna ulloo sidha karte Hain.

    Iske baad Sarkar kafi dinon tak vipaksh ko kharikhoti sunakar apni bhadaas nikalti hai aur janta ke dimag mein bhi yahi bhar deti hai.

    Is waqt Loksabha mein 543 sadasya hai jismein se shayad 100 bhi mahilaye nahin hongi yah hai hamare desh ki sansad ka haal Jahan mahilaon ko barabari ka darja nahin milta hai

    September 2023 mein Sarkar ne mahila Aarakshan bil pesh Kiya jise paksh- vipaksh donon taraf se sahmati mili aur sabka najriya ek tha to uska kya hua .Usmein Sarkar ne apne kadam aage kyon nahin badhae.

    Abhi tak sansad mein 9 baar Mahila Aarakshan vidheyak ke liye koshish ki gai per her baar kuchh na kuchh atkale lagi hai

    Yah mahilaon ke sath nainsafi hai.Iska har varg ke vyaktiyon ko purzor virodh karna chahiye Sansad mein Mahilaon ko 33% aarkshan milna chahiye jisse ki Mahila sakti ko bada ba mile aur is tarah mahilaon ki chavi bhi sudhregi .Jab mahilaon ko aage badne ka mauka milega to mahilaon ke sath desh ki tarkki me bhi izafa hoga

  • Pradhanmantri aur jhalmuri

    Hi doston main aapki blog mam aapke liye ek naya blog lekar hajir hun.

    Hamare Desh ke neta kuchh bhi karen aur vah viral na ho aisa ho nahin sakta ab jaise ki Pradhanmantri Modi ne paschim Bangal main chunavi jansabha ke baad Jo unhone sadak kinare apni gadi se nikalkar dukaan per pahunche 10 rupaye ki jhal Muri banai aur uska swad liya.

    Ji han doston PM Modi ka sadak kinare jhalmuri ban bakar khana . Jhalmuri jo ki Bangal, UP ka favourite hai aur iske alava n jaane kitne vyaktiyon ki pasand hai vhai Jhal muri Pradhanmantri ji ka bhi pasandida hai.

    Pradhanmantri ji paschim Bangal ke Jhargram mein chunavi jansabha ke liye gaye the aur sadak par Se jab Pradhanmantri ji ka kafila Nikal Raha tha .Sadak kinare dukaan per jab unki najar padi kafila ko rukwa kar Pradhanmantri ji swayam apni gadi se Bahar nikale aur dukaan main jakar unhone apne liye Jaal buri banva li aur jab aam Janata ne dekha to aam Janata ki Khushi ka thikana na raha aur sabi vyakti hairan rah gaye dukaan per maujud vyaktiyon ne bataya ki Pradhanmantri ne halchal bhi poochha hai aur jhalmuri ke rupaye bhi diye.

    Yah sach hai ki jab Pradhanmantri aam Janata ki tarah hi ek aam Insan bankar vyavhar karta hai to aam Janata ko yah bahut achcha lagta hai

    Dekha jaaye to Pradhanmantri Ji ka is tarah aam Janata ke sath samvad karna unki chhavi mein sudhar karne ka karya karega aur unke liye fayde mand bhi rahega .

    Ye rajniti hai iske paitre ek rajneta acche tarike se jaanta hai aur rajniti karne walon Ko kab kya karna hai yah sab pata hota hai.

    Sabko apni apni soch hai koi ise neta ka badppan samjhega aur kuchh ise rajniti mein logon ke prati apna vishwas badhane ka tarika samjhega

    is artical ko likhate waqt mere man mein ek gana A raha hai

    “yah public Hai sab janti Hai andar Kya Hai Bahar kya hai sab pahchanti Hai”

    yah Mera artical aapko kaisa laga comments kijiye.