Category: Motivational

Jeevan ham sab jite hain lekin yah kaise jina chahie ise koi nahin samajhta aur na hi samajhne ki koshish karta hai ab aap kahenge ki jivan to jaise ki chal raha hai vaise hi chalna chahiye per nahin yahan ham baat kar rahe hain santulit jivan matlab balanced life.

Balanced life yani santulit jivan iska matlab yah nahin hai ki aap subah jaldi uth jao aur ghar ke kaam jaldi kar lo aur fir jaldi subah naha len aur puja archana karen aur rule banake rakhe ki nahane se pahle kuchh na khayen aur nahakar hi khana banao santulit jivan ka isse koi matalab nahi hai isase alag hai santulit jivan

Sabse pahle santulit jivan ke liye subah ke time mein ek samay per uthne ki aadat daalni chahiye kyunki hamara sharir bhi ek ghadi ki tarah hai aur jaisi ham aadat chahenge hamara sharir vaise hi react karne lagega.Isliye acchi aadat to achha santulit jivan hoga.

Sabse pahle subah uthkar khud ko positive rakhiyega aur ek gilas gunguna pani baithkar aaram se fursat mein ghunt -ghunt lekar pina chahiye fir fresh hone Jana chahie .

Daily aapko uthne ki aadat ek hi samay par rakhni chahiye aur uth kar pani pina .Pani peene se fresh achche tarah ho jate hain fresh hone Jana bhi ek hi samay rakhna chahiye.

santulit aahar(balance diet)

Hamein khane ke waqt mein apni diet per dhyan dena chahiye yah bahut jaruri hai isliye apni diet mein santulit aahar rakhen balanced diet veh diet hoti hai jismein aapko sare vitamin protein milte hain jo aapki body mein energy badhane ka kaam karte hain aapke red blood sales ko banate hain aur saaf rakhte hain santulit aahar se aapke thoughts positive rahte hain agar ham khane ke waqt apni thali mein kuchh bhi anaap-snaap khane ke liye rakh lete hain aur pet se upar kha lete hain jisse sharir ko hi nuksan pahuncha ta hai aur hamare thoughts bhi negative isliye rahte hain

meditation(Dhyan karna)

Hamen apne pure din mein kuchh samay ke liye hi sahi per dhyan karna chahiye dhyan karne ke liye shant jagah chune yah jagah ghar se bahar park bhi ho sakta hai ya fir aapke ghar ke andar hi koi kona ho sakta hai met jameen par daalker aur use per baith jaen Jahan shanti ho apni aankhen band karke kuchh nahin sochana hai kuchh na bolna hai sirf apni sanson per dhyan dena hai kyunki kuchh log nahin jante ki dhyan karna kya hota hai isliye apna dhyan sirf sanson per lagana hi dhyan kahlata hai is waqt vichar aapke man mein aayenge vah vichar acche bure aapko hansne aapko rulane wale bhi ho sakte hain ine per aapka control nahin hai isliye inhen aane aur jaane dijiye lekin koshish kijiye ki aapka dhyan sirf sanson per hi rahe Jab aap roj hi karte hain to aapka man shant rahane lagta hai aap apne andar hi khud per dhyan dene lagte hain aur dheere dheere yah aapke vyaktitva ko bhi nikharata hai.

social life(samajik jivan/

Aaj ke time mein social life hamare liye bahut jaruri hai isase aap duri nahin banaa sakte kyunki yah har vyakti ke jivan ka mahatva purn ang hai lekin aapko kin vyaktiyon ke saath baithana hai iska aapko decision lena hoga kyunki aapki social life Jaisi hogi vaise hi vichar aapke andar banenge isliye apni social life ko achcha rakhna chahie aapko apne dost chunte waqt yah dhyan rakhna chahie ki aapke dost ki list jyada badi nahin honi chahie yah gine-chune hi ho char ya panch lekin vah char-paanch dost bhi aapke vyaktitva ko nikhar te hai. Ek social life ham sabke pass smartphone ke roop mein bhi hai aur is par chat karke ham apne friends banate hain is social life mein bhi friends jyada nahin rakhne chahiye dikhava bhi nahin rakhna chahie ek sant jivan bhi santulit jivan mein kafi yogdan deta hai is baat ka dhyan rakhna chahiye.

.

yah Hai balanced life santulit jivan jismein subah uthkar kya karna chahie khane mein aapko kya kis tarike ka khanpaan rakhna chahie meditation vah bhi aapki jivan ka ek hissa hona chahie iske alava Jo social life hai aapka Aaj padho aur aapke hath ka phone ine donon ko hi aapko maintain karna hoga ki aapko apni social life kitni Badi aur kis tarah ki banane Hain

agar aap santulit jivan jite Hain to aap Khush rahenge energy Se bhare rahenge aur aage badhane ki bhi raste talash aaenge kyunki santulit jivan aapke upar Koi bojh nahin dalta balki aapko niyam Se rakhne ki aadat sikhata hai aur yah har Kisi Ko sikhana chahie

Santulit jivan mein sab kuchh hota hai hansi khushi samajik jivan apna personal jivan aur apna parivarik jivan samajik jivan hamara apna sharir hamari apni duniya ye sab kuchh agar ham maintain karke chalen to hamen santulit jivan jeene kafi madad milegi .

Ek baar ki baat hai ek ghane jungle mein bahut sare jungali janwar aur pashu pakshi rahte the. Garmiyon ke din the aur sukha pad raha tha barish bhi nahin ho rahi thi aur dur tak garmi ki vajah se nadi nale ka pani sukh gaya tha aise mein ek kauwa jo ki bahut pyasa tha aur pani ki talash mein kisi dur Jungle se ud kar aaya pipal ke ped per baitha tha upar ped per se charon taraf nigah ghuma kar dekh raha tha . Use pani ki talash thi .Kauve ko bahut pyas lag rahi thi use .Lakin kahin dur yak pani nahin dikha vah ek ped se dusre ped per dusre ped se teesre ped par udd udd kar ja raha tha aur har jagah pani talash raha tha lekin pani use kahin nahin dikh raha tha ki achanak use dur ek matka dikha kauwa udkar use matke per jakar baith gaya aur use matke mein jhank kar dekhne laga usne dekha matke ke tale mein thoda sa pani tha .Pani dekhkar kauwa bahut khush hua aur vah pani peene ki koshish karne laga lekin kauve ki chonch pani tak nahin pahunch pa rahi thi usne bahut baar prayas kiya lekin har baar vah asafal raha

Kauwa bahut pyasa tha aur pani dekhkar uski pyas badh gai thi lekin vah pani peene mein asamarth tha usne socha ki kya kiya jaaye jisse ki pani peene ko mil jaaye usne pass mein hi chhote pathar ke tukde dekhe chhote pathar Ke tukde dekhkar usek dimag mein khyal aaya ki kyon na ak -ak pathar ke tukde ko matke mein dalta jaaun aur isse pani upar a jaega usne udd kar ak -ak pathar apni chounch se lakar matke mein dalna shuru kar diya thodi der baad mataki ka pani pathar ke tukdon ki vajah se upar a gaya aur yah dekhkar kauwa prasann hua aur usne pani pikar apni pyas bujhai.

Pyasa kauwa hamen sikh deta hai ki pareshaniyan kitni hai kathin kyon na ho per pareshaniyan ka koi na koi hal jarur hota hai yah kahani ham bachpan se hi sunte aur padhte a rahe hain aur yah pyasa kauwa ki kahani hamen bahut badi sikh deti hai.

Ek Kisan apni kheti mein bi hone se pahle khet ko taiyar karta hai uski mitti ko tractor chala chala kar mulayam karta hai pani dalta hai aur mausam ke hisaab se khet mein beej bota hai aur usmein samay per pani ,khaad dalta hai aur kitnasak davaon ka bhi chidkav karta hai aur fasal taiyar hone ka intezar karta hai jismein kuchh mahine lag jaate hain tab kahin jakar kisan ko apni fasal milati hai kehna yah hai ki bina mehnat ke kuchh hasil nahin hota hai isliye agar aapko apna sapna pura karna hai to mehnat karni hogi kyunki mehnat ka fal meetha hota hai yah 100 taka sach baat hai.

Aaj ka Yuva varg mehnat se darta hai Ji chura Kar bhagata hai aur jab wakt nikal jata hai to vah apne naseeb ko dosh deta hai. Yuva varg ko apna friend circle achcha rakhna chahie positive rakhna chahie aaj ki technology ke baare mein jankari bhi rakhna jaruri hai jisse ki aap carier mein aage badh sake Jaise pyasa kauwa ek ped se dusre ped ki taraf aage badhta raha vaise hi apni ek line mein aage badhate rahiye aur mehnat karke apne goal ko paa lo.

Har Insan apni pahchan banane mein laga hai aur apne aapko bada gyani sabit karne mein laga hai aur iske sath hi vah apne saath ke vyaktiyon ko kuchh nahin samajhta aur andar hi andar chahta hai ki meri pahchan ke samne koi inhen na pahchane sab bas mujhe hi samjhdar samjhe.

Kuchh vyakti jinhen yah pahchan se koi matlab nahin hota aur is tarah veh bheed ka hissa mane jaate hain yah hai hamare samaj ki soch agar vyakti aage badhta hai to bhi veh kisi ki aankhon mein khatakta hai uske apne hi uske saath rahane ka dikhava karte hain aur man hi man uska bura chahte hain ki yah aage na bade aur agar koi nakara hai to samaj usko kuchh na kuchh kehte hai aur usko motivate karte hain.

Main yahan kahana chahti hun har vyakti ko apne level per pahchan banane chahie yah pahchan ka matlab yah nahin hai ki aap auron ko gira kar khade ho jao nahin aisa nahin hota pahchan ka matlab yah bhi nahin hai ki aap kuchh bada karo ji nahin balki khud apne andar apne aap ko pahchano yah hai mera matlab.

Jab vyakti nirnay leta hai ki vah apni kamiyan ko dur karke apni achhai ko pahchane ga aur yah prayas karta hai to uske andar ek nai urja pravahit hoti hai.

Motivates

Khud ko motivate rakhen aur uske prati positive rahe aur apne goal ko bhi pahchan le aur khud ko motivate rakhne ke liye motivational books padhen. Shuruaat mein apne lakshya ko chhota rakhen aur unhen pane ke liye mehnat karen motivational videos dekhen. Subah jaldi utha seekhe . yoga Karen aur aise vyaktiyon ke sath rahe Jo khud motivate hain jisse mahaul bhi aapko motivation milega. Samay per apne karya karne ki aadat daale aur jab aap apne chhote lakshanon ko prapt kar len to Khushi manae aur khud Ko inaam bhi de.

Discipline life

Aphi life mein disciplined rahana sikhe aur apne gol ko seriously lena sikhen har kam ko type samay per karna sikhen kam ko talna nahin hai Positive rahana chahie har din aksa nahin hota ghabraye nahin kabhi haar bhi hoti hai. Discipline life aage badhane ke raste dikhati Hai aur agar aap Kisi friend like jite ho to kuchh samay bad aapko kafi Anubhav bhi milenge .

Is tarah chote- chote prayas se aap khud ko har din behtar banate jaoge dheere -dheere Jab aap khud per dhyan dene lagoge to aap dekhoge ki aapke andar hi ek aisi shakti chhupi hui hai jo aapko kafi anubhav degi.

Aap dekhenge ki kai aise mahapurush hue jinhone kitni hi viket paristhitiyan ka Samna kiya lekin Apne aage badhane ke raste Ko nahin chhoda aur swayam apna nirman kiya aur ek aisi shakhsiyat bane Jo shayad kaafi vyaktiyon ke liye hona chmaktar tha.

Har vyakti Jo pehle khud per vishwas rakhna chahie aur apne andar ki chhupi hui shaktiyon Ko pahchana hoga aur nirantar prayas karna hoga kuchh samay baad vah apna ek naya roop ko banata hai.

conclusion

Apne aap ko pahchan na apne andar ki bure roop ko khatm karna aur apne sapne ko samajhna aur apne sapnon ko pura karne ka hausla banakar khud Ko ek nai pahchan deni hai.

Hi doston main aapki blog Mam fir se aapke liye ek naya blog lekar hajir hun.

Ek gaon mein ek dhobi rahata tha .Dhobi ke kaam ke karan uska door tak naam tha. Dhobi gaon ke sabhi logon ke kapdon ko dhone ka karya karta tha aur kapdon ko ekadam saaf safai se dhota tha aur samay per unhen pahuncha ta tha uske is karya ki vajah se vah aaspaas ke gaon mein bhi prasiddh tha aur use aaspaas ke gaon wale bhi usi se apne kapde bhulana pasand ka karate the.

Jis tarah dhobi ka karya prasiddh tha usi tarah dhobi ka gadha bhi prasiddh tha aur vah bhi bahut mehnati tha. Apane dhobi malik ke sath sath hi rahta tha dhobi uske upar sare kapde ka bojh ladh deta tha lekin gadha kitna hi bojh ho jata vo sare bojh ko uthata aur Jahan tak pahunchana hota tha vahan tak apne malik ke sath chalta tha is tarah vah apne malik ka pyara tha .

Per jab kabhi gadhe ko koi pareshani hoti to uska malik dhobi uski dekh rekh bhi karta tha.

Usi gaon se thodi duri per Jungle tha aur Jungle se dusre gaon ka rasta jaldi a jata tha isliye aksar dhobi apne gadhe ke saath usi Jungle se hokar nikalta tha

Usi jungle mein ek kuan tha Jo ki sukh chuka tha .usko band karne ke baare mein aaspaas ke gaon main vichar kar yah tay kiya ki use kue ko mitti bharkar band kar diya jaaye jisse ki kabhi koi ghatna na ho.

Ek bar ki baat hai saam ka waqt tha gadhe ki tabiyat thodi kharab thi.Lekin dhobi ko pass ke hi gaon mein kapde pahunchane the isliye vah apne gadhe per kapde rakh kar gadhe ke sath Jungle wale raste se jaane laga gadhe ki tabiyat kharab hone ki vajah se aur uski peeth per bojh adhik hone ki vajah se use chakkar aane lage jis karan vah najdeek mein usi sukhe kuye ke pass thodi der ke liye khada ho gaya lekin khud ko sambhal nahin paya aur kuye mein gir gaya.

Kab dhobi ne yah dekha ki uska gadha kuen mein gir chuka hai to dhobi bahut hi chintit hua aur usne socha ki kisi tarah gadhe ko bahar nikaalo lekin kaafi koshish on ke baad bhi dhobi apne gadhe ko kuye mein se nahin nikal paya.

Dhobi sochne laga ab kya kiya jaaye tabhi uske dimaag mein khayal aaya ki ab gadhe ki tabiyat har dusre din kharab rahti hai aur gadha budha bhi ho gaya hai yahan se aage ab kisi kaam ka nahin rahega kyunki girne ki vajah se ho sakta hai uski tang toot chuki ho.

Dusri taraf se kuchh vyakti gaon wale mitti lekar kuye mein dalne la rahe the to dhobi ne socha ki is mitti ko kuen mein dalne do aur gadhe ko dab jaane do kyunki ab gadha mere kisi kaam ka nahin hai yah sochkar dhobi bhi mitti daalne laga.

Kuen mein pada gadha dar raha tha kyunki vahan per andhera aur kilde bhi the jo use kaat rahe the .gadhe ki tabiyat aur bigad gai thi khada khada bhi nahin ho pa raha tha .Lakin upar usne apne malik ko mitti dalte dekha to use bahut hi jyada dhukh huaa aur socha ki maine malik ke saath kitni wafadari nibhai aur ktna karya kiya fir bhi mere malik mujhe maarna chahte hain.

Gadha khud ko bachane ke baare mein sochne laga aur fir jab- jab uske upar mitti girti vah apni peeth ko hilakar mitti ko niche kar deta aur bahar nikal aata aur usi mitti ke upar khada ho jata aisa har baar gadha karta gaya aur is tarike se bahar nikal aaya..

Kahani hamen shiksha deti hai ai ki apna Khayal khud rakhna hota hai ummid nahin chhodni chahiye aur na kisi se ummid rakhni chahie har samasya ka samadhan hai.

.

m

Hi doston main aapki blog Mam aapke liye ek naya blog lekar hazir hun.

Ek chidiya thi bo gehun ke khet mein ghosla banakar rahti thi .uske ghonsale mein chidiya ke do bacche bhi the. Gehun ki fasal katne ke liye taiyar thi gehun ke khet ka jo Kisan tha veh rojana gehun ki kheti dekhne aata tha aur apne sath har roj ek naye vyakti ko lekar aata tha aur unhen dikha ta tha ki gehun ki kheti taiyar ho chuki hai lekin abhi ismein thoda waqt hai jabki gehun ki kheti puri tarah se kaatne ke liye taiyar ho chuki thi lekin kisan aalsi tha aur vah chata tha ki uski fasal koi aur Kat de aur use kuchh karna na pade isliye kishan roj bahane bana ta tha is tarah uski gehun ki kheti mein gehun fasal se girne lage the.ek baar Kishan ke sath ek vyakti aur aaya usne use samjhaya ki aalas karne se kuchh nahin hoga balki apne kaam swayam karna chahie kyunki fasal kafi barbad bhi hone lagi thi yah dekhkar Kishan ko mahsus hua ki mujhe aalas chhodkar apna Kaam swayam karna chahie aur fir ek din vah pure man se kheti kaatne ke liye taiyar ho gaya. Aur idhar chidiya roj Kisan ki baat sunti thi ki kis tarah se vah apne din aage badhata ja raha tha kheti kaatne ka kaam ko talta ja raha tha chidiya ke bacche Jo apni chidiya maan se roj kahate ki maan ab to hamen udd Jana chahie kyunki Kishan a raha hai aur vah fasal ko katega jis karan hamara ghosla kharab ho jaega aur fir ham kahan rahenge lekin chidiya maan Jo kisan ki baat ko har bar dhyan se sunti aur shanti se kahati ki abhi ruko abhi Kishan ka man apne fasal ko kaatne ka nahin hai.Lekin chidiya ne dekha ki ab Kishan samajh chuka hai ki use apna kaam swayam karna chahie aur vah pure pakke man se fasal kaatne ke liye taiyar ho chuka hai. Chidiya apne bacchon Ko lekar udd gai ye kahate hue ki ab Kishan samajh chuka hai ki apne kaam swayam karna chahie isliye ab hamen yahan se udna chahie aur ek naya ghosla banana chahie ye kehte hue chidiya apne bacchon ke sath udd gayi.

Dekha aapane jab tak vyakti apne kaam khud se nahin karta hai uska koi kam nahin hota kyunki vah dusron ke bharose baitha rahata hai lekin lyon koi kisi aur ka kam karne aayega apna kaam swayam karna hota hai to ham apne aalas ko khatm karke apne kaam swayam karenge aur dekhenge ki koi bhi kam mushkil nahin hota balki hamare andar ka aalas kisi bhi kaam lo karne mein konkani karta hai

Agar ham apne karya apne aap swayam nahin karenge to iska prabhav hamare apne logon per padega aur yahi aalas ham apne bacchon ko sikha dete hain jabki hamen unhen apne kaam swayam karne ki aadat daalni chahie ye sikh deni chahie.

Aalas ki vajah se karya ko kal per dalne ki vajah se aur kam ko samay per na karne ki vajah se ham bahut hi na kamyab ho jaate hain aur jiska dosh ham auron per daalte rahte hain asal mein ham khud hi Kaam ke na hone ki vajah hote hain.

Isliye apne kaam swam kariye chahiye kisi aur per nahin dalna chahie kyunki kaam hamare hain aur hamen hi karne chahie

Ham sab mein aadat honi chahie apne karya ko samay per aur swayam karne ki karya ko swayam karne chahie is vajah se hamari jankari badhati hai aur sahi samay per karne ki aadat rahti hai.

Agar aapko mere blog pasand hai to mujhe comment kijiye

Hi doston main aapki blog Mam aapke liye ek naya blog lekar hazir hun.

Work 80/20 yah aisa formula hai jo ki har vyakti ko apni life mein apply karna chahie agar aap life ke kisi bhi field mein ho bo fir kyon na student life jo , worker ho chaye ek aam Insan hi kyu na ho.

Job karne wale vyakti ho ya ek housewife hi kyon na ho 80/20 ka formula sabke liye achcha result deta hai. Ye 80/20 kya hai ye ek jaruri baat hai jo hamare liye samjhna jaruri hai.

80/20 rules ek bahut achcha rule hai jo life mein success hona chahte hain to hamen apne work per 20% dhyan dena hoga yah vah 20% work ha jo baaki ke 80% se jyada jaruri hai aur is tarah aap success honge Jo aapko 100% result denge matlab 20% Jo hota Hai vahi main hota hai aapko Kisi bhi kam ke liye jyada mehnat karne ki jarurat nahin padegi bus aap apne work se related karya per 20% jaruri work per dhyan dena hoga aur is tarike se aap jyada mehnat se bach jaaoge aur success ho jaaoge.

Isi tarah agar student apne syllabus ka main 20% syllabus ko complete kar lete hain to unhe 100% yaad karna nahin padega aur vah apni padhaai mein hai acche marks lekar aaenge 20% syllabus ko jo ki 80% se jyada main hai iski vajah se aapko 80% mark mil jaate hain Kya Ho Gaya

ISI tarah kisi badi company mein koi employee jo kafi waqt se apne promotion ke liye koshish kar raha hai lekin usko kafi lambe waqt se promotion nahin mila hai to usko bhi 80/20 ka rul apply karna chahie . Aapko kahana yah hai ki employee ko company mein promotion pane ke liye company se related main 20% work per focus karna chahie jo ki 80% work mein nahin ho pata aur jyada mehnat ho jaati hai isliye 20% mehnat se hi vah apna promotion le sakte hain aur is tarah se jyada load bhi nahin aaega

Aurat Jo apne ghar Ko sambhalti hain unhen bhi sare din ke kaam se thakan ho jaati hai aur apne liye waqt nahin nikal paati aur chidchida pan rahata hai agar vah bhi is 80/20 ke rule ko follow kar sakti hain jisse ki vah apne aur bhi kamon per dhyan de sakte hain.

80/20 ka rule sabhi field mein use kar sakte hain kyunki jab ham 20% Jo kar rahe hain mahatva purn hota hain aur ham ager 20%jaruri kaam per dhyan dete hain to hamen baki ke 80% work per jyada dhyan nahin dena padta.

80/20 ke bare mein aapane Kai jagah padha hoga aur uske bare mein suna hoga lekin yah bahut achcha rule hai ise apply karna hi fayde mand hai.

Har vyakti apni life mein success hona chahta hai lekin beh nahin jaanta iski vajah veh pura din ghada majduri karta hai lekin uske hath mein kuchh nahin aata iske bad bhi uske bahut se sapne adhure rah jaate hain aur jivan bhar sirf apni jarurat ko pura karne ke liye pista rahata hai.

Aaj ka samay smart banne ka samay hai ab aapko jyada mehnat karne ki jarurat nahin hai balki sahi disha mein sahi karya jo aapko aapke Manjil ki taraf le jaen aise karya per dhyan dena hai agar aap faltu ke Karya apne jivan se nikal dete r hain to dekhenge ki kafi load kam ho chuka hai aur aap bahut halka mahsus karenge kyunki aaj ke waqt mein humne life ko bahut kathin banaa diya hai Jaisi ki vah hai nahin ham apni life ko dhang se enjoy nahin kar paate har waqt tension mein hi rahte hain jiski vajah hamari soch sahi disha mein nahin hona hai.

Doston 80/20 % rule ka fayda logon Ko samajhna chahie aur apni life mein apply karna chahie aur is tarah Se aap aage badh jaaoge.

Doston agar aapko mere blog pasand hai to mujhe comment kijiye.

Hi doston main fir se hajir hun aapke samne ek naya blog lekar aapki blog Mam aur aaj ke blog ka title hai sikho galti se.

Har Insan Jo kuchh karna chahta hai usne kabhi na kabhi galti ki hai vah chahe koi aam Insan ho ya koi naami hasti lekin jyadatar vyakti aage nahin badh paate kyunki unhen galtiyan karne se dar lagta hai isi vajah se vah Jo kuchh achcha kar sakte hain lekin kar nahin paate kyunki inko dar lagta hai ki maine kuchh kiya to galat na ho jaaye lekin ham yah kyon bhul jaate hain galtiyon se hi insan sikhata hai jisne galti nahin ki uski sabse badi galti yahi hai ki usne kabhi Koi galti nahin ki shayad isliye galat hone ka dar uske dimag me se kabhi nahi nikla.

Agar Chhota baccha Jo chalna sikh hi raha hai vah girne ki dar se chalega nahin to vah kabhi chalna sikh nahin payega isliye baccha girne ke dar Ko chhodkar bus sirf chalta hai aur jab tak ki vah theek se chalna nahin sikh pata. Dekha jaaye to ek chhota baccha hamen kafi kuchh sikhata hai kitna vah girta hai lekin fir bhi vah chalna chahta hai vaise hi humko bhi girna hai uthana hai aur fir apni hi galtiyon se sabak lena hai.

Agar aap apne charon taraf dekhen to aapko bahut se udaharan mil jaenge galtiyon se seekh te hai to aap dekhenge hamare aaspaas hamare dainik jivan mein kam aane wali bahut si vastu hain jinka aavishkar karne wale the jinhone galtiyan ki aur apni galtiyon se bahut si seekh bhi li lekin jab tak unka aavishkar pura nahin hua yah ruke nahin yah mahapurush jo pahle ek aam Insan the lekin unhone aage badhane ki thani aur apni galtiyon se hi sabak liya aur apne manjil ke raste banae .koi bhi vyakti ek bar mein apni manjil ko hasil nahin kar pata Jo vah chahta hai use pane mein samay lagta hai koi bhi bada kaam ek aat mein nahin hota hai kuchh waqt lagta hai.

Thomas Alva Edison jinke bare mein har Koi jaanta hai light Bulb ka aavishkar kiya tha kya vah apne pehle experiment mein safal ho gaye the nahin unhen kafi waqt laga tha aur unse kafi galtiyan bhi hui thi .Lekin unhone haar nahin Mani aur har bar unhone apni galtiyon se ek naya paath padha aur isse vah aage badhe kyunki vah ruke nahin kyunki veg jante the ki galtiyon se hi samajh gaye the ki ab unke experiment mein kahan galti rah gai hai aur is tarike se aage badhate hue unhen Bulb ka aavishkar Kiya.

James Watt sabko pata hai sabse pahle bhap ka engine unhone hi banaa tha bhap ka engine banane se pahle James Watt ne bhi kafi galtiyan ki lekin unhone apna rasta nahin chhoda .Ek bar ki baat hai jab vah ek bartan mein pani ubal rahe the aur usi per rakhi plate garam pani ki vajah se baar baar upar uth rahi thi.yah dekh kar James Watt ke dimag mein bhap se chalne wala engine ka khayal aaya lekin yah Khyal aate hi ekadam engine nahin ban gaya tha waqt laga tha use waqt ke dauran kafi galtiyan hui thi lekin galtiyon ki vajah se vo nahin ruke unhone Jo socha vah karke dikhaya

Aise kai udaharan hai hamare ghar per hi roj mein use hone wali Jaise cycle jiska aavishkar Karl Drais ne kiya tha aur hamare ghar mein pressure kukar Jo hamari roj ki jarurat mein shamil hai uska aavishkar Denis Papin ne kiya tha.

Mera kahana yah hai ki koi bhi Insan bina galti kiye pahli bar mein hi success nahin ho pata waqt lagta hai kuchh vyakti kuchh vyakti jaldi hi haar maan lete hain per kuchh vyakti datte rehte hain samasya yah hai galtiyon ki dar se Insan aage nahin badhta bahut kuchh kar sakta hai lekin sirf galtiyan ma ho jaaye is dar se kuchh nahin karta hai.

Agar aap roj ek Chhota kadam apni Manjil ki or chalte hain to kuchh samay bad jab aap dekhenge to aap kuchh bada bhi kar lenge lekin kuchh samay lagta hai aur kuchh galtiyan bhi hoti hai isliye is dar se na baithe rahe balki kuchh karna chahie kahate hain jisne kabhi Koi galti nahin ki usne kabhi kuch karne ki nahin sochi vah maidan mein nahin nikala aur man mein hi haar ki baith gaya

Ek Insan ko seekhane ke liye bhari samasyaon se nahin ladna balki use apne andar ki samasyaon se ladna hoga khud ko kam nahin samajhna balki aap kar sakte ho khud ko hosla dena hai aur aage badhana hai

Aage badhane ke liye motivate hona chahie aapke jivan mein chhota hi sahi per aapke liye laksh hona chahie jisko pana aapki jid ho kuchh bhi ho sakta hai Jaise mujhe rojana subah tehalne ke liye nikalna hai, jaise ki main roj apne kaam ko samay per karunga jaise ki mujhe exercise karni hai chotte chotte lakshay hone chahiye jinhen aap pa sakte hain aur dekhenge ki inhen aapane kitni aasani se thodi galtiyon ke sath hi pa liya isliye galti karne se daro mat aage badho

Galtiyon se sikhana chahie agar aapse kuchh galat ho jata hai to dar kar chup mat baitho balki use galti ko swikar karo aur use galti se ek naya savak lo galti karna badi baat nahin hai balki galtiyon ke bad aur galtiyan karte jaana aur unhen kabhi swikar na Karen yahi sabse badi galti hai isliye aap acche karya karne ke liye galtiyan karne se daro mat.

Doston yah tha mera blog mere blog aapko acche lagte hain to aap mujhe comment karna thank you.

Hi doston main aapke liye aapki blog Mam aapke liye ek naya blog lekar hajir hun.

Apane ek kahani suni hogi ek Raja tha Jo apni praja se bahut pyar karta tha .Ek bar uske dimag mein ek khayal aaya ki meri praja mein se, mere nagar mein se kaun sabse jyada samajhdar hai yah pata karne ke liye Raja ne apna bhesh badla aur raat ko apne rajya ghumne nikal gaya rajya ki jo sadak thi usi sadak per sadak ke kinare kai pathar rakhe the usme se ek bade se pathar ko Raja ne sadak ke बीच mein dhakel diya jisse raste per aane jaane walon ko pareshani ho aur fir vahin per Raja chup karke dekhne laga ki kaun mere rajya ka nagarik is pathar ko hatayega aur Raja subah hone ka intezar karne laga jab subah hui to rahagir aane jaane lage lekin kisi ne bhi use pathar per ek najar nahin fali aur kisi ko bhi vah pathar bich mein nahin laga kyunki sab uske aas -paas se hokar nikal rahe the lekin kisi ko bhi use pathar ko vahan se hatne ki fursat nahin thi jab kafi waqt ho gaya tab ek Sajjan purush raste se nikal raha tha usne dekha ki is pathar ko sadak ke kinare kar diya jaaye to kisi ko koi pareshani nahin hogi aur sabhi aaram se nikal sakenge usne use pathar ko dhakka dekar ke sadak ke kinare Kar diya Raja yah dekh Kar bahut khush hua aur usne use Sajjan purush ko gale lagaya aur Raja ne apna asali roop dikhaya aur aur bataya per pathar rakhkar vah dekh rahi thi ki is samasya ko Kaun samjhega sajjan purush ko inam bhi diya. Yah to sirf ek kahani hai lekin sacchai yahi hai ki vyakti apne mein itna biji hai ki use apne aaspaas kisi ki pareshani nahin dikhti aur na hi vyakti samajik hona chahta Hai sirf apni personal life ko injoy karna chahta hai lekin iske alava main ek baat aur rakhna chahungi raste ka pathar.

Raste ka pathar raste mein hi nahin hamare dimag mein bhi hai jo hamen aage nahin badhane deta vah pathar dekh kar aisa lagta hai Jaise aage rasta band hai.Rast hai hi nahin aur vyakti koshish nahin karta sab kuchh bhagya ke sahare chhod deta hai raste ka pathar matlab mera kahana yah hai ki vyakti samaj ke dar se ki samaj kya kahega aage koshish nahin karta agar vyakti aage koshish karen aur samasya ma’am ke pathar ko jo uske dimag mein jai use apni koshishon se hatakar dekhe to use apni Manjil mil sakte hain par char log kya kahenge, Fail hone ka dar, logon ke taane sunane ka dar, aur main yah nahin kar sakta yah mujhse nahin hoga is tarike ki nakaratmak baten usko aage nahin badhane deti aur Jahan hai vahi khada rahata hai jivan bhar isliye is raste ke pathar Ko hatana hoga yahi waqt hai कभी-कभी ham Jo kaam karna chahte hain usko bahut bada man lete main aur apne dimag mein, apne man mein aur pata nahin kya -kya nakaratmak sochte rahte hain. Jaise ki ham apni Manjil tak apne sapnon tak nahin pahunch sakenge aisi soch rakhte hain jis vajah se ham khud ko khud hi failure banaa dete hai aur hath per hath rakhe baithe rahte hain aur apne hi samasyaon ka tamasha dekhte hain apne Jaise aur vyaktiyon ko bhi aage nahin badne dete. Aapko fail hone ka dar chhod kar apni samasyaon ka himmat se samna karna chahie hamen apni samasyaon ka samadhan dhundhna chahie .Vo samasya hi hain Jo raste ka pathar bankar hamare samne hamare dimag mein hamare jivan mein khadi hai isliye is samasya ka samadhan aapko khud dhundhna padega aapko khud Khade hokar apne samasya rupi raste ke pathar ko sadak ke kinare karna hoga koi nahin aata aapke liye aapki madad karne ke liye kyunki aaj ke waqt mein sab apne hi aap me biji hain kisi ke pass kisi aur ke liye madad karne ka waqt nahin hai . Aur ismein galti unki nahin aapki hai apki yah soch bhi hai ki vah aapko badhate dekhna pasand nahin Karte balki aap khud apne aap ko aage nahin badhate bus bahana dhundhte ho naseeb ka, Samaj ka.

Jis tarah kahani mein Raja Jo Apne nagar vasi yon ko dekhne ke liye apna bhesh badal kar nikl a aur raste per pathar rakhkar raste ko band kar diya vo yah dekhna chah raha tha ki laun nagar vasi aage badhkar is pathar rupi samasya ka samadhan dhundega aur Raja jab chupkar ke yah sab kuchh dekh raha tha theek usi tarah hamara Univers hamare Prabhu hamare liye samasyaon ko khada kar dete hain ek pathar ki tarah aur dekhte hain ki kisme yah dam hai ki vah apni samasyaon ka samadhan dhundh lega lekin ham samasyaon ka samadhan nahin dhundhte balki kismat ka rona rote hain aur hath per hath rakhe baithe samay kp kharab karte rahte hain ki koi aaega to hamari samasyaon ko samadhan dega lekin aisa nahin hota balki ham in samasyaon ke sath rahane ki aadat bna dete hain.

Doston mere block aapko kaisi lagi mere block comment kijiye dhanyvad.

Hi doston main blog Mam aapke liye ek naya blog lekar fir se hajir hun aur aaj ke blog ka title hai Jab Jago tabhi savera..

Aaj subah Main jab apne phone per video scroll kar rahi thi .scroll karte waqt ek video aaya jismein yah bataya ja raha tha ki Insan jab jage tabhi savera vaise yah sach baat hai ki galtiyan sabse hoti hain lekin iska matlab yah nahin hai ki ham har waqt apne aap ko guilty feel karate rahe.isliye abhi samay hai purani baton ko chhodkar aage badhne ka jab ham aage badhate hain tabhi kahate hai jab Jago tabhi savera kyunki Insan galtiyon se sikhta hai lekin vah yah nahin jaanta galtiyan karne ke bad kafi time apne aap ko guilty feel karte rahne mein apna bahut achcha samay bita deta hai aur ismein uska kafi accha time nikal jata hai. samay Jo ek bar nikal jata Hai vah laut kar nahin aata isliye Jo ho gaya use chhodo aur aage badho.

Ek vyakti apne liye Jo rasta tay karta hai kuchh samay Jo use raste per chalta hai aur use lagta hai ki yah rasta use uski manjil tak nahin pahuncha raha balki usko yah rasta uski Manjil se bhatka raha hai tab usko usi ke sathi, Parivar jan, sahyogi usko sahi raste per chalne ko kahate hain ismein se kuchh vyakti apne raste ko badal lete hain kyunki vah samajh jaata hain ki ye rasta jis per vah chal raha hai uske liye sahi nahin hai aur samay rahte vah apna rasta badal kar ek naye raste per chalne lagta hai tab yah kahavat kahin jaati hai jab Jago tabhi savera .

Aajkal ki yuva pidhi jo ki apne raste se bhatak chuki hai aur apne Manjil ke raste Ko pahchan nahin pa rahi unke liye sandesh hai ki ghabrana nahin chahie balki mehnat ke sath aur lagan ke sath aage badhna chahie kyunki aap aage badho ge to desh aage badhega aur jisse desh ki economy badhegi aaj ki pidhi ko apna friend circle achcha aur majbut aur saccha banana chahie kyunki ek vyakti ke vyaktitva mein nirman karne mein samaj ka , uske friend circle ka aur parivar yah sab kuchh mayne rakhta hai aaj ke samay mein technology ki koi kami nahin hai agar aap kuchh achha karna chahte hain ya apni jankari badhana chahte hain to uske liye technology aapke carier mein kafi madad karti hai to aise mein aap akele nahin hain balki aapke charon taraf ab technology hai yah technology aapko aage badhaegi aapko tarkki ke raste per le kar aapke liye Manjil ka rasta khol degi lekin yahi technology iska agar mis use kiya jaaye to aapko kisi galat raste per bhi le ja sakti hai isliye samajhdar bano aur satk raho mera yah kahana jab Jago tabhi savera isliye bhi hai ki aajkal yuva pidhi kisi se bhi kuchh puchna nahin chahti kyunki use sara gyan apne smartphone ke dwara mil jata hai aur smartphone dwara mila gyan to yah nahin dekhta kiski fayde ke liye hai ya uske nuksan ke liye bus apne smartphone dwara bataye raste per chalne lagta hai aur kuchh samay bad unhen yah mahsus hota hai ki shayad vo galat raste per a chuke hain isliye apne parivarjan se salah len aur agar aap bhatak chuke ho to yah manne mein Koi burai nahin hai isiliye fir se kahungi apni galti ko mankar aage ek naya rasta bnao kyunki abhi der nahin hui hai isiliye Kab jao tabhi savera.

yah tha Mera blog mere blog agar aapko pasand hai to mujhe comment kijiye. Dhanyvad doston.